🔯বঙাইগাঁৱত কে এ চিৰ উদ্যোগত কৃষি আৰু ৰেচম বিভাগৰ প্ৰশিক্ষণ🔯

🔯বঙাইগাঁৱত কে এ চিৰ উদ্যোগত কৃষি আৰু ৰেচম বিভাগৰ প্ৰশিক্ষণ🔯

📝বঙাইগাঁও ৯ নৱেম্বৰঃ কমতাপুৰ স্বায়ত্ত শাসিত পৰিষদৰ উদ্যোগত বুধবাৰৰ পৰা বঙাইগাঁও পৌৰসভাৰ কাৰ্যালয় সভা কক্ষত তিনিদিনীয়াকৈ আৰম্ভ হৈছে কমতাপুৰ স্বাৱলম্বী মিছনৰ অধীনত শিক্ষিত নিৱনুৱা যুৱক- যুৱতীৰ মাজত স্বনিয়োজন কৰ্মশালা ৷ কৃষি আৰু ৰেচম বিভাগৰ দুটা শাখাত আয়োজিত কৰ্মশালাত মুঠ আশী গৰাকী যুৱক -যুৱতীয়ে এই কৰ্মশালাত অংশগ্ৰহণ কৰিছে ৷ এই উপলক্ষে উদ্বোধনী সভাত উপস্থিত থাকি কৰ্মশালা উদ্বোধন কৰে কমতাপুৰ স্বায়ত্ত শাসিত পৰিষদৰ অধ্যক্ষ তথা কৃষি আৰু ৰেচম বিভাগৰ দায়িত্বত থকা হিতেশ্বৰ বৰ্মনে ৷ 

তেওঁ কমতাপুৰ স্বায়ত্ত শাসিত পৰিষদ এলেকাত বহু সম্ভাৱনা ৰৈ আছে বুলি উল্লেখ কৰি প্ৰশিক্ষণ গ্ৰহণ কৰা সকলো যুৱক যুৱতীক একাণপতীয়া কৈ কামত লাগিবলৈ আহ্বান জনোৱাৰ লগতে নিজকে স্বাৱলম্বী হোৱাৰ দিশত অগ্ৰসৰ হবলৈ আহ্বান জনায় ৷ অনুষ্ঠানত কে এ চিৰ মুখ্য কাৰ্যবাহী সদস্য গকুল বৰ্মন, কাৰ্যবাহী সদস্য অতুল ৰায়ে আত্মনিৰ্ভৰ হোৱাৰ দিশত যুৱক যুৱতী সকলে কেনেদৰে প্ৰশিক্ষণ গ্ৰহণ কৰি স্বাৱলম্বী হ'ব পাৰিব তাৰ ওপৰত বক্তব্য ৰাখে ৷ অনুষ্ঠানত কে এ চিৰ পাৰিষদ ত্ৰৈলোক্য ৰায় আৰু সবিতা সিংহ উপস্থিত থাকে ৷ কৰ্মশালাখনি পৰিচালনা কৰে গুৱাহাটী ছমাইলস্থিত জ্ঞানজ্যোতি ফাউণ্ডেশ্যনৰ সমল ব্যক্তি পাৰ্থ প্ৰতিম চাবুকধৰা আৰু পৰেশ প্ৰতীম বৰ্মনে  ৷🔯