🔯গুৱাহাটী বিশ্ববিদ্যালয়ৰ স্নাতক পৰীক্ষাৰ ফলাফলত বীৰঝৰা মহাবিদ্যালয়ৰ ছাত্রী জীমণি বৰুৱাৰ সাফল্য🔯

🔯গুৱাহাটী বিশ্ববিদ্যালয়ৰ স্নাতক পৰীক্ষাৰ ফলাফলত বীৰঝৰা মহাবিদ্যালয়ৰ ছাত্রী জীমণি বৰুৱাৰ সাফল্য🔯

📝News4Bongaigaon; ১৬ জুলাইঃ  গুৱাহাটী বিশ্ববিদ্যালয়ৰ সদ্য ঘোষিত ২০২৩ বৰ্ষৰ স্নাতক পাঠ্যক্ৰমৰ চূড়ান্ত পৰীক্ষাৰ ফলাফলত বঙাইগাঁও চহৰৰ বীৰঝাৰা মহাবিদ্যালয়ৰ গণিত বিভাগৰ ছাত্ৰী জিমনি বৰুৱাই গুৱাহাটী বিশ্ববিদ্যালয়ৰ ভিতৰতে সৰ্বোচ্চ নম্বৰৰে (চি.জি.পি.এ. ৯.১৯) প্রথম বিভাগৰ তৃতীয় স্থান দখল কৰি বীৰঝৰা মহাবিদ্যালয়ৰ লগতে বঙাইগাঁও বাসীলৈ গৌৰৱ কঢ়িয়াই আনিছে। উল্লেখ্য যে বীৰঝাৰা মহাবিদ্যালয়ৰ গণিত বিভাগৰ ছাত্ৰ প্ৰতীম দাস আৰু পদার্থ বিজ্ঞান বিভাগৰ ছাত্ৰ কৌশিপ সাহাই গুৱাহাটী বিশ্ববিদ্যালয়ৰ ২০২১ আৰু ২০২২ বৰ্ষৰ স্নাতক চূড়ান্ত পৰীক্ষাৰ ফলাফলতো সৰ্বোচ্চ নম্বৰৰে প্ৰথম বিভাগৰ প্ৰথম স্থান দখল কৰি বীৰঝৰা মহাবিদ্যালয়ৰ লগতে বঙাইগাঁওবাসীলৈ গৌৰৱ কঢ়িয়াই আনিছিল। বৰ্তমান দুয়োগৰাকী ছাত্ৰ প্ৰতীম দাস আৰু কৌশিপ সাহাই যথাক্রমে আই. আই, টি, মুম্বাই আৰু আই. আই, টি, পাটনাত গণিত আৰু পদার্থ বিজ্ঞান বিভাগৰ স্নাতকোত্তৰ পাঠ্যক্ৰমত অধ্যয়নৰত। মহাবিদ্যালয়ৰ ভাৰপ্ৰাপ্ত অধ্যাক্ষা হেমন্তী বালা ৰায় বৰ্মনে তিনিও গৰাকী ছাত্ৰ-ছাত্ৰীৰ সাফল্যৰ বাবে শুভেচ্ছা জ্ঞাপন কৰে। ছাত্ৰ-ছাত্ৰীৰ কঠোৰ পৰিশ্ৰম আৰু অধ্যাপক- অধ্যাপিকা সকলৰ যথোচিত গুৰুত্বৰ বাবে এই সাফল্য সম্ভৱ হৈছে বুলি তেওঁ কয়।🔯