🔯বঙাইগাঁও জিলা কৃষি বিভাগৰ উদ্যোগত দ্বিতীয় পৰ্যায়ৰ আধাৰ উন্নীতকৰণ আৰু অগ্ৰিম কাৰ্যকলাপ সন্দৰ্ভত প্ৰশিক্ষণ🔯

🔯বঙাইগাঁও জিলা কৃষি বিভাগৰ উদ্যোগত দ্বিতীয় পৰ্যায়ৰ আধাৰ উন্নীতকৰণ আৰু অগ্ৰিম কাৰ্যকলাপ সন্দৰ্ভত প্ৰশিক্ষণ🔯

📝 News4Bongaigaon: ২ আগষ্টঃ বঙাইগাঁও জিলা কৃষি বিভাগৰ উদ্যোগত জিলাখনৰ বাকী থকা পি এম কিষাণ হিতাধিকাৰীৰ বাবে দ্বিতীয় পৰ্যায়ৰ আধাৰ উন্নীতকৰণ আৰু অগ্ৰিম কাৰ্যকলাপ সন্দৰ্ভত বুধবাৰে জিলা কৃষি বিষয়া কাৰ্যালয়ৰ প্ৰশিক্ষণ কক্ষত এক প্ৰশিক্ষণ সহ সভা অনুষ্ঠিত হয়। জিলা কৃষি বিষয়া অপল দাসে আদৰণি ভাষণ আগবঢ়াই শুভাৰম্ভণি কৰা সভাখনত বঙাইগাঁও জিলাৰ সাধাৰণ সেৱা কেন্দ্ৰসমূহৰ সকলো কম্পিউটাৰ অপাৰেটৰ, কৃষি উন্নয়ন বিষয়াসকল আৰু কৃষি সম্প্ৰসাৰণ সহায়কসকলৰ উপস্থিতি থাকে। 

সভাত জিলাখনৰ বাকী থকা পি এম কিষাণ হিতাধীকাৰীৰ বাবে আধাৰ উন্নীতকৰণৰ কাম যাতে সফল হয় সেই বিষয়ে সাধাৰণ সেৱা কেন্দ্ৰসমূহৰ সকলো কম্পিউটাৰ অপাৰেটৰ আৰু কৃষি সম্প্ৰসাৰণ সহায়কসকলক প্ৰশিক্ষণ প্ৰদান কৰা হয়। উক্ত অনুষ্ঠানত বঙাইগাঁও জিলা কৃষি বিষয়া কাৰ্যালয়ৰ সহকাৰী সঞ্চালক তথা প্ৰাক্তন জিলা কৃষি বিষয়া অমৃত লাল নাৰ্জাৰী, জ্যেষ্ঠ কৃষি উন্নয়ন বিষয়াসকলৰ লগতে আন আন বিষয়া-কৰ্মচাৰীসকল উপস্থিত থাকে।🔯