🔯বঙাইগাঁও জিলাত বানত হোৱা ক্ষয়-ক্ষতিৰ এছ ডি আৰ এফৰ অধীনত অনুমোদনৰ প্ৰস্তাৱ পঠোৱাৰ পৰ্যালোচনা🔯

🔯বঙাইগাঁও জিলাত বানত হোৱা ক্ষয়-ক্ষতিৰ এছ ডি আৰ এফৰ অধীনত অনুমোদনৰ প্ৰস্তাৱ পঠোৱাৰ পৰ্যালোচনা🔯

📝News4Bongaigaon: ২০ ছেপ্টেম্বৰঃ চলিত ২০২৩ বৰ্ষত ইতিমধ্যে হৈ যোৱা বানত বঙাইগাঁও জিলাত জল সম্পদ, জনস্বাস্থ্য কাৰিকৰী, মহিলা আৰু শিশু বিকাশ, লোক নিৰ্মাণ (পথ), ভূমি সংৰক্ষণ, মীন, জলসিঞ্চন, পশুপালন,  এ পি ডি চি এল, কৃষি, শিক্ষা আদি বিভাগৰ বিভিন্ন আন্তঃগাঁঠনি বা আন ক্ষয়-ক্ষতিৰ পুনৰ নিৰ্মাণ বা ক্ষয়-ক্ষতিৰ পৰিপূৰণৰ বাবে এছ ডি আৰ এফৰ নিয়মৰ অধীনত আঁচনিৰ প্ৰস্তাৱ পঠোৱাৰ পৰ্যালোচনা কৰাৰ বাবে বুধবাৰে বঙাইগাঁও জিলা দুৰ্যোগ ব্যৱস্থাপনা প্ৰাধিকৰণৰ এখন সভা জিলা আয়ুক্ত কাৰ্যালয়ৰ সভাকক্ষত অনুষ্ঠিত কৰা হয়। অভয়াপুৰী উত্তৰ বিধানসভা সমষ্টি আৰু অভয়াপুৰী দক্ষিণ (অ:জা) বিধানসভা সমষ্টিৰ বিধায়কদ্বয় ক্ৰমে আব্দুল বাতিন খণ্ডকাৰ আৰু প্ৰদীপ সৰকাৰৰ উপস্থিতিত অতিৰিক্ত জিলা আয়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া অপূৰ্ব নাথৰ সভাপতিত্বত এই সভাখন অনুষ্ঠিত হয়। বিগত বানত হোৱা বিভিন্ন বিভাগৰ ক্ষয়-ক্ষতিসমূহ এছ ডি আৰ এফৰ নিয়ম অনুসৰি প্ৰস্তাৱ হিচাপে পঠোৱাৰ বাবে সভাই অনুমোদন জনায়। উল্লেখ্য যে এই প্ৰস্তাৱসমূহ ৰাজহ চক্ৰ পৰ্যায়ৰ  সভাত ইতিমধ্যে গ্ৰহণ কৰা হৈছে। সভাত অতিৰিক্ত জিলা আয়ুক্ত (শিক্ষা) মগেন নৰহ, বঙাইগাঁও, ডাংতল, সৃজনগ্ৰাম আৰু মাণিকপুৰ ৰাজহ চক্ৰৰ চক্ৰ বিষয়াসকল, বিভাগীয় মুৰব্বী বিষয়াসকল,জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া আৰু দুৰ্যোগ ব্যৱস্থাপনা বিভাগৰ ক্ষেত্ৰ বিষয়াসকল উপস্থিত থাকে।🔯