🔯বঙাইগাঁৱৰ নিউ বঙাইগাঁও ৰে'লৱে জংচনত দুজন কিশোৰক উদ্ধাৰ🔯

🔯বঙাইগাঁৱৰ নিউ বঙাইগাঁও ৰে'লৱে জংচনত দুজন কিশোৰক উদ্ধাৰ🔯

🔯News4Bongaigaon: ২০ ছেপ্টেম্বৰঃ বঙাইগাঁৱৰ নিউ বঙাইগাঁও ৰে’লৱে জংচনৰ প্লেটফর্মত ৰে’লৱে সুৰক্ষা বাহিনীয়ে মঙলবাৰে  দুজন কিশোৰক উদ্ধাৰ কৰিবলৈ সক্ষম হয় ৷ নিউ বঙাইগাঁও ৰে'লৱে সুৰক্ষা বাহিনীৰ পৰিদর্শক ৰবীন্দ্র ৰয়ে প্লেটফর্মত কৰ্তব্য পালন কৰি  থকা সময়ত হঠাৎ দুজন কিশোৰক অকলশৰে প্লেটফর্মৰ আসনত বহি থকা প্রত্যক্ষ কৰে ৷ পিছত সন্দেহৱশত কিশোৰ দুজনক সোধা পোছা কৰাত দুয়োৰে ঘৰ বঙাইগাঁও জিলাৰ মাণিকপুৰ থানাৰ অন্তর্গত ২ নং নাচনগুৰি শাকতোলাত বুলি পৰিচয় দিয়ে ৷ কিশোৰ দুজনৰ এজনৰ বয়স ১৫ বছৰ আৰু আনজনৰ বয়স ১২ বছৰ হ'ব ৷ উল্লেখ্য যে কিশোৰ দুজনে ৰে’লৱে সুৰক্ষা বাহিনীৰ বিষয়াজনক তেওঁলোকে ৰে’লযোগে দিল্লীলৈ যোৱাৰ কথা প্রকাশ কৰে ৷ কিন্তু কিশোৰদ্বয়ৰ সৈতে কোনো অভিভাৱক তথা ভ্রমণ কর্তৃপক্ষৰ কোনো প্রমাণ পত্র নথকাত উপ পৰিদৰ্শকজনে বিষয়টো উর্ধ্বতম কর্তৃপক্ষৰ লগত যোগাযোগ কৰে আৰু পৰৱর্তী সময়ত তদন্ত অব্যাহত ৰাখি যাৱতীয় কার্য সম্পন্ন কৰি কিশোৰ দুজনক বঙাইগাঁৱৰ বীৰঝৰা শিশু গৃহৰ অধীক্ষকৰ ওচৰত হস্তান্তৰ কৰে ৷🔯