🔯বঙাইগাঁও সমষ্টিত বিধানসভা সমষ্টি পৰ্যায়ৰ সাংস্কৃতিক মহাসংগ্ৰামৰ শুভাৰম্ভণী🔯

🔯বঙাইগাঁও সমষ্টিত বিধানসভা সমষ্টি পৰ্যায়ৰ সাংস্কৃতিক মহাসংগ্ৰামৰ শুভাৰম্ভণী🔯 

📝News4Bongaigaon: ১১ ডিচেম্বৰ: অন্যান্য জিলাৰ লগতে বঙাইগাঁও জিলাতো চলি আছে 'অসম সাংস্কৃতিক মহাসংগ্ৰাম'। গাঁৱে-ভূঞেঁ লুকাই থকা শিল্পী প্ৰতিভাক এখন মঞ্চ দি উলিয়াই অনাৰ উদ্দেশ্যে অসমৰ মুখ্যমন্ত্ৰী ডঃ হিমন্ত বিশ্ব শৰ্মাৰ প্ৰয়াসক সাৰোগত কৰি জিলাখনত ইতিমধ্যে গাঁও-পঞ্চায়ত পৰ্যায়ত 'অসম সাংস্কৃতিক মহাসংগ্ৰাম"ৰ অন্ত পৰিছে। জিলাখনৰ আটাইকেইটা বিধানসভা সমষ্টিতে গাঁও-পঞ্চায়ত পৰ্যায়ত সাংস্কৃতিক মহাসংগ্ৰাম অনুষ্ঠিত কৰা হৈছে ৷ সোমবাৰে বঙাইগাঁও সমষ্টিত বিধানসভা সমষ্টি পৰ্যায়ত অসম সাংস্কৃতিক মহাসংগ্ৰামৰ শুভাৰম্ভণি কৰে বঙাইগাঁও বিধানসভা সমষ্টিৰ বিধায়ক ফণীভূষণ চৌধুৰীয়ে। বীৰঝৰা পাব্লিক লাইব্ৰেৰীত অনুষ্ঠিত এই প্ৰতিযোগিতা লোক নৃত্য প্ৰতিযোগিতাৰে শুভাৰম্ভ কৰা হয়। বিধানসভা পৰ্যায়ৰ অসম সাংস্কৃতিক মহাসংগ্ৰাম শুভাৰম্ভণি কৰি দিয়া ভাষণত বিধায়ক চৌধুৰীয়ে আশা প্ৰকাশ কৰে যে বঙাইগাঁও সমষ্টিৰ লোক নৃত্য শিল্পীয়ে যাতে জিলা পৰ্য্যায়ত তথা ৰাজ্যিক পৰ্য্যায়ত সন্মান বুটলিবলৈ সক্ষম হয়। বঙাইগাঁও বিধানসভা সমষ্টিৰ সাংস্কৃতিক মহাসংগ্ৰামত কুশান নৃত্য, ঝুমুৰ নৃত্য, গোৱালিনী নৃত্য, কাত্তিকা নৃত্য, গোৱালপৰীয়া নৃত্য, ৰাভা নৃত্য আদি লোক নৃত্য পৰিৱেশন কৰে বিধানসভা সমষ্টিটোৰ শিল্পীসকলে। প্ৰতিযোগিতাখনিত বিচাৰক আছিল আলেশ্বৰী ৰয়, হেৰম্ব অধিকাৰী আৰু জগদীশ চন্দ্ৰ বৰ্মন। 

এই অনুষ্ঠানত ভাৰপ্ৰাপ্ত জিলা আয়ুক্ত তথা জিলা উন্নয়ন আয়ুক্ত ধ্ৰুৱজ্যোতি দাস,অতিৰিক্ত জিলা আয়ুক্ত মগেন নৰহ আৰু নিৰ্মালী বৰুৱা, বঙাইগাঁও জিলা পৰিষদৰ সভাপতি বিজয় সিংহ আৰু উপ-মুখ্য কাৰ্যবাহী বিষয়া কিশোৰ কলিতা, বঙাইগাঁও পৌৰসভাৰ পৌৰপতি সুবোধ চন্দ্ৰ দাস, ডাংতল উন্নয়ন খণ্ডৰ খণ্ড উন্নয়ন বিষয়া ৰৌশনুৰ ৰহমান আহমেদ আৰু স্থানীয় ৰাইজ উপস্থিত থাকে।