🔯বঙাইগাঁৱত পৰীক্ষাৰ মাজতে সাংস্কৃতিক মহাসংগ্রাম🔯

🔯বঙাইগাঁৱত পৰীক্ষাৰ মাজতে সাংস্কৃতিক মহাসংগ্রাম🔯

🔯ছাত্র-ছাত্ৰীৰ অধ্যয়নত ব্যাঘাত নোহোৱাকৈ মহাসংগ্ৰামৰ সময়সূচী সলনি কৰক- আছু🔯

📝News4Bongaigaon: ১০ ডিচেম্বৰঃ অসম সাংস্কৃতিক মহাসংগ্ৰামৰ সমষ্টিভিত্তিক প্রতিযোগিতাসমূহৰ সময়সূচীৰ সালসলনি কৰিবলৈ জিলা প্রশাসনক আহ্বান জনাইছে সদৌ বঙাইগাঁও জিলা ছাত্র সন্থাই। জিলা ছাত্র সন্থাৰ সাধাৰণ সম্পাদক কংকন বায়নে এক প্রেছ বিবৃতিত কয় যে সাংস্কৃতিক মহাসংগ্রামত জিলাখনৰ মহাবিদ্যালয়ৰো ভালেসংখ্যক ছাত্র-ছাত্রীয়েও অংশগ্রহণ কৰিছে আৰু পৰৱৰ্তী পৰ্যায়ৰ বাবেও নির্বাচিত হৈছে।মহাবিদ্যালয়সমূহত স্নাতক মহলাৰ পৰীক্ষাসমূহো আৰম্ভ হৈছে। স্নাতক তৃতীয় ষান্মাসিকৰ পৰীক্ষা ইতিমধ্যে আৰম্ভ হোৱাৰ লগতে পঞ্চম ষান্মাসিকৰ পৰীক্ষা অহা ১৫ ডিচেম্বৰৰ পৰা আৰম্ভ হ'ব। কিন্তু আশ্বর্যজনক কথা যে জিলাখনত সাংস্কৃতিক মহাৰণৰ সমষ্টিভিত্তিক প্রতিযোগিতাসমূহ প্রশাসনে আৰম্ভ কৰিব অহা ১১ ডিচেম্বৰৰ পৰা। সাংস্কৃতিক মহাসংগ্ৰামৰ এনে সময়সূচীক লৈ সদৌ বঙাইগাঁও জিলা ছাত্র সন্থাই আশ্বর্য প্রকাশ কৰিছে। কিয়নো ইয়াৰ প্রভাৱ পৰৱৰ্তী পৰ্যায়ৰ বাবে নির্বাচিত হোৱা মহাবিদ্যালয়ৰ প্ৰতিযোগী দলসমূহৰ প্ৰতিযোগীসকলৰ ওপৰত প্ৰভাৱ পৰিব। সেয়ে ছাত্র-ছাত্ৰীৰ শৈক্ষিক দিশটো বিবেচনা কৰি অধ্যয়নত ব্যাঘাত নোহোৱাকৈ আৰু মহাসংগ্রামখনিও সুচাৰুৰূপে চলাই নিয়াৰ বাবে সাংস্কৃতিক মহাসংগ্ৰামৰ সময়সূচী সালসলনি কৰিবলৈ সদৌ বঙাইগাঁও জিলা ছাত্র সন্থাই জিলা প্রশাসনক আহ্বান জনাইছে।