🔯বঙাইগাঁৱৰ কুঁজীয়া নৈত অচিনাক্ত ব্যক্তিৰ মৃতদেহ উদ্ধাৰ🔯

🔯বঙাইগাঁৱৰ কুঁজীয়া নৈত অচিনাক্ত ব্যক্তিৰ মৃতদেহ উদ্ধাৰ🔯

📝News4Bongaigaon: ১৫ ডিচেম্বৰঃ বঙাইগাঁৱৰ উত্তৰ বঙাইগাঁও তহলদাৰী আৰক্ষী চকীৰ অন্তর্গত নয়াপাৰা প্ৰথম খণ্ডৰ নিকটৱৰ্তী কুঁজীয়া নৈত শুকুৰবাৰে পুৱাৰ ভাগত এটি অচিনাক্ত ব্যক্তিৰ মৃতদেহ উদ্ধাৰ হয় ৷ বঙাইগাঁও-চাপৰাকাটা ৰে’ল ষ্টেচনৰ মাজৰ ৰে'ল পথৰ কুঁজীয়া নৈৰ ওপৰ থকা ৰে'ল দলঙখনৰ পৰা কিছু আতৰৰ  নৈৰ পানীত স্থানীয় ৰাইজে মৃতদেহটি প্রত্যক্ষ কৰি আৰক্ষী প্রশাসনক খবৰ দিয়ে ৷ পৰৱর্তী সময়ত ঘটনাস্থলীত বঙাইগাঁও ৰে'লৱে আৰক্ষীৰ এটি দল উপস্থিত হয় ৷ ৰে'লৱে আৰক্ষীয়ে মৃতদেহটো নৈখনৰ শিলত লাগি থকালৈ চাই আন ঠাইৰ পৰা পৰা ভাহি আহি উক্ত স্থান পোৱা বুলি সন্দেহ প্ৰকাশ কৰে আৰু বিষয়টো পিছত উত্তৰ বঙাইগাঁও তহলদাৰী আৰক্ষী চকীলৈ হস্তান্তৰ কৰে ৷ উল্লেখ্য যে খাকি বৰণৰ ছুৱেটাৰ আৰু ক্রীম বৰণৰ লংপেণ্ট পৰিহিত আনুমানিক ৫০ বছৰ বয়সীয়া লোকৰ মৃতদেহটো পাছত উত্তৰ বঙাইগাঁও আৰক্ষী পহৰা চকীৰ আৰক্ষীয়ে উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰি চিনাক্তকৰণৰ বাবে বঙাইগাঁও অসামৰিক চিকিৎসালয়ৰ মৰ্গত ৰাখিছে ৷