🔯সাংসদ নৱ কুমাৰ শৰণীয়াৰ নিউ বঙাইগাঁও ৰে'লৱে ৱৰ্কশ্বপ পৰিদৰ্শন🔯

🔯সাংসদ নৱ কুমাৰ শৰণীয়াৰ নিউ বঙাইগাঁও ৰে'লৱে ৱৰ্কশ্বপ পৰিদৰ্শন🔯

🔯ৰে'ল বিভাগৰ সা -সমস্যা লৈ বিষয়াবৰ্গ আৰু পিআৰকেপিৰে আলোচনা🔯 

📝News4Bongaigaon: ২ ডিচেম্বৰঃ বঙাইগাঁও চহৰৰ নিউ বঙাইগাঁওস্থিত ৰে'লৱে ডবা মেৰামতি কাৰখানাটো শনিবাৰে কোকৰাঝাৰ লোকসভা সমষ্টিৰ সাংসদ নৱ কুমাৰ শৰণীয়াই পৰিদৰ্শন কৰে৷ সাংসদগৰাকী উত্তৰ পূৱ সীমান্ত ৰে'লৱেৰ অধীনস্থ এই ডবা মেৰামতি কাৰখানাটোত উপস্থিত হৈ পৰিদৰ্শন কৰাৰ লগতে ৰে'ল বিভাগৰ বিষয়াবৰ্গৰে আলোচনাত মিলিত হৈ কাম - কাজৰ বিষয়ে বুজ লয় ৷ সাংসদ শৰণীয়াই কাৰখানাৰ কাম - কাজ তৰাম্বিত কৰি তোলাৰ লগতে স্থানীয় লোকসকলক বিভিন্ন কাম কাজত সা- সুবিধা প্ৰদানৰ বাবেও আহ্বান জনায় ৷ ইফালে, সাংসদ শৰণীয়াক পূৰ্ব্বাঞ্চলীয় ৰে'ল কৰ্মী পৰিষদৰ এক প্ৰতিনিধি দলে সাক্ষাৎ কৰি কাৰখানাটোৰ বিভিন্ন অভাৱ অভিযোগৰ বিষয় লৈ আলোচনা কৰে ৷ সংগঠনটোৰ নিউ বঙাইগাঁও ডবা মেৰামতি কাৰখানা শাখাৰ সভাপতি প্ৰফুল্ল সূত্ৰধৰ আৰু সম্পাদক উপেন ৰায়ে স্বাক্ষৰিত এক স্মাৰক পত্ৰত নিউ বঙাইগাঁৱৰ ডবা মেৰামতি কাৰখানাটো ডবা নিৰ্মাণ কাৰখানা লৈ উন্নিতকৰণ , ৰে'ল বিভাগত খালী পদসমুহৰ আশী শতাংশ পদত স্থানীয় যুৱক - যুৱতীক নিযুক্তিৰ লগতে গ্ৰুপ ' চি' আৰু 'ডি' পদসমূহত স্থানীয় নিয়োগ বিনিময় কেন্দ্ৰৰ জৰিয়তে নিয়োগৰ ব্যৱস্থা গ্ৰহণ কৰিবলৈ দাবী উত্থাপন কৰে ৷ আনহাতে ৰে'ল বিভাগৰ অধীনস্থ বাট পথসমূহ ভাঙি ছিঙি যোৱাৰ ফলত পুনৰ নিৰ্মাণ আৰু মেৰামতিৰ ব্যৱস্থা গ্ৰহণ কৰিবলৈও সাংসদ শৰণীয়াৰ জৰিয়তে সংগঠনটোৱে ৰে'ল বিভাগৰ ওচৰত দাবী উত্থাপন কৰে ৷ আলোচনাৰ অন্তত সাংসদ শৰণীয়াই বিষয়সমূহ ৰে'ল বিভাগৰ ওচৰত উত্থাপনৰ আশ্বাস প্ৰদান কৰে ৷