🔯বঙাইগাঁৱৰ ছিপনছিলাত জিলা আয়ুক্তই উৎখাত কৰিলে অবৈধ কাঠ ফলা মিলঃ জব্দ বৃহৎ পৰিমাণৰ কাঠৰ কুণ্ডা🔯

🔯বঙাইগাঁৱৰ ছিপনছিলাত জিলা আয়ুক্তই উৎখাত কৰিলে অবৈধ কাঠ ফলা মিলঃ জব্দ বৃহৎ পৰিমাণৰ কাঠৰ কুণ্ডা🔯

🔯নীৰৱ বন বিভাগ🔯

📝News4Bongaigaon: ২১ ডিচেম্বৰঃ বঙাইগাঁও সদৰ থানাৰ অন্তর্গত ছিপনছিলাত অবৈধভাৱে চলি থকা এটা কাঠৰ মিল বৃহস্পতিবাৰে বঙাইগাঁও জিলা প্রশাসনে উৎখাত কৰে ৷ উল্লেখ্য যে বন বিভাগৰ নিৰ্লিপ্ততাৰ সুযোগ গ্ৰহণ কৰি অঞ্চলটোত দীর্ঘদিন ধৰি চলাই আছিল কাঠ ফলা মিলটো ৷ শেহতীয়াভাৱে কাকৈজনা সংৰক্ষিত বনাঞ্চলত ব্যাপক হাৰত চলিছে বন ধ্বংসযজ্ঞ ৷ দুষ্প্ৰাপ্য সোণালী বান্দৰৰ বসতিস্থল কাকৈজনা সংৰক্ষিত বনাঞ্চলত চোৰাং কাঠ ব্যৱসায়ীয়ে সুযোগ বুজি মূল্যবান গছ গছনি এফালৰ পৰা কাটি তহিলং কৰিছে দুষ্ট চক্ৰই । সেয়ে বৃহস্পতিবাৰে বঙাইগাঁও জিলা আয়ুক্ত নৱদ্বীপ পাঠকে নিজে গৈ অবৈধ কাঠ ফলা মিলটোৰ লগতে বৃহৎ পৰিমাণৰ চোৰাং কাঠৰ কুণ্ডা জব্দ কৰে ৷ বন বিভাগৰ নিৰ্লিপ্ততাৰ বাবে জিলা আয়ুক্তই নিজে গৈ বৃহৎ পৰিমাণৰ চোৰাং কাঠৰ কুণ্ডাসহ কাঠ ফলা মিলটো জব্দ কৰে ৷

বঙাইগাঁও জিলাৰ উপ আৰক্ষী অধীক্ষক আৰু এগৰাকী কাৰ্য্যবাহী দণ্ডাধীশকক লগত লৈ জিলা আয়ুক্তই উক্ত অবৈধ কাঠ ফলা মিল উৎখাত কৰাৰ লগতে মিলত ব্যৱহৃত সকলো সা-সৰঞ্জাম আদি জব্দ কৰে ৷ লগতে বিষয়টো আই ভেলী বন সংমণ্ডল উপত্যকাৰ বন সংমণ্ডল বিষয়াক তদন্ত কৰি অতি শীঘ্ৰে এজাহাৰ দাখিল কৰিবলৈকো নির্দেশ দিয়ে ৷ ইপিনে বন বিভাগৰ তৰফৰ পৰা জব্দ কৰা কাঠৰ কুণ্ডাসমূহৰ ভিতৰত কদম, কঁঁঠাল , কৰৈ, শিমলু আদি আছে বুলি প্ৰকাশ কৰে ৷ লগতে বন বিভাগে এই কাঠৰ কুণ্ডাসমূহ কৰ পৰা অনা হৈছে সেই তথ্য উদঘাটন কৰিব নাই বুলি জানিব দি এই স্থানত চলি থকা অবৈধ কাঠফলা মিলৰ তথ্য পোৱা নাছিল বুলি কয় ৷ বন বিভাগে জব্দ কৰা কাঠৰ কুণ্ডাসমূহৰ পৰিমাণ জোখ- মাখ কৰি জিলা আয়ুক্তক দাখিল কৰিব বুলিও কয় ৷