🔯২৩ ডিচেম্বৰৰ পৰা বঙাইগাঁৱত দুদিনীয়া কাৰ্য্যসূচীৰে অসম নাট্য সন্মিলনৰ ৰত্নপীঠ মণ্ডলৰ অষ্টম দ্বি-বার্ষিক অধিবেশন আৰু পূর্ণাংগ নাট প্রতিযোগিতা🔯

🔯২৩ ডিচেম্বৰৰ পৰা বঙাইগাঁৱত দুদিনীয়া কাৰ্য্যসূচীৰে অসম নাট্য সন্মিলনৰ ৰত্নপীঠ মণ্ডলৰ অষ্টম দ্বি-বার্ষিক অধিবেশন আৰু পূর্ণাংগ নাট প্রতিযোগিতা🔯

📝News4Bongaigaon: ২১ ডিচেম্বৰঃ অসম নাট্য সন্মিলনৰ যুথ কলাক্ষেত্র বঙাইগাঁও শাখাৰ আতিথ্যত সন্মিলনৰ ৰত্নপীঠ মণ্ডলৰ অষ্টম দ্বি-বার্ষিক অধিবেশন আৰু পূর্ণাংগ নাট প্রতিযোগিতাখন অহা ২৩ আৰু ২৪ ডিচেম্বৰত দুদিনীয়া কাৰ্যসূচীৰে বঙাইগাঁৱৰ বীৰঝৰা পাব্লিক লাইব্ৰেৰীত অনুষ্ঠিত হ’ব ৷ ইয়াৰ বাবে ইতিমধ্যে প্ৰস্তুতিপৰ্ব প্ৰায় সম্পন্ন কৰিছে অভ্যৰ্থনা সমিতিয়ে ৷ কাৰ্য্যসূচী অনুসৰি ২৩ ডিচেম্বৰৰ পুৱা ৯ বজাত অসম নাট্য সন্মিলনীৰ পতাকা উত্তোলনেৰে কাৰ্য্যসূচীৰ শুভাৰম্ভ হ’ব। ৰত্নপীঠ মণ্ডলৰ সভাপতি কনক কৃষ্ণ দেবনাথ, উপ-সভাপতি তপন কলিতা, উপ-সভাপতি অহিদ খান পেৰিচ, বঙাইগাঁও কলেজৰ প্রাক্তন উপাধ্যক্ষ হেমন্ত কুমাৰ শৰ্মা, বঙাইগাঁও পৌৰসভাৰ উপ পৌৰপতি শৈলেন সৰকাৰ, বঙাইগাঁও জিলা সাহিত্য সভাৰ প্রাক্তন সভাপতি অজিত কুমাৰ দাস, বিশিষ্ট সমাজকর্মী প্ৰবীণ বৈশ্য, মৃদুল ৰায় প্ৰধানী, ব্রজেন ৰায়,উদয় মজুমদাৰ, সমাজ সেবিকা জয়ন্তী নাথ, বঙাইগাঁও শাখা য়ুথ কলাক্ষেত্রৰ সভাপতি হেমন্ত কোচ, কাৰ্য্যকৰী সভাপতি নলিনী ৰয় গয়াৰী, প্রাক্তন খেলুৱৈ তথা সমাজকর্মী তৰুণ চৌধুৰী, অভ্যর্থনা সমিতিৰ সভাপতি ৰমলা ৰায় সৰকাৰ, উপ সভাপতি সুৰীতি ব্রহ্ম চৌধুৰী আৰু ড° ৰাণু ৰায় আদিয়ে পতাকা উত্তোলন কৰিব ৷ ইয়াৰ পিচতে অনুষ্ঠিত হ’ব স্মৃতি তৰ্পণ অনুষ্ঠান ৷ স্মৃতি তৰ্পণ কৰিব ৰত্নপীঠ মণ্ডলৰ কাৰ্য্যকৰী সভাপতি ভৱানন্দ দাস পাঠকে ৷ পুৱা ৯ঃ ৪৫ বজাত বন্তি প্রজ্বালন কৰিব বিধায়ক ফণীভূষণ চৌধুৰীয়ে আৰু পুৱা ১০ বজাত বিষ্ণুপ্ৰসাদ ৰাভাৰ প্ৰতিচ্ছবিত মাল্যাৰ্পণ আৰু বন্তি প্ৰজ্বলন অনুষ্ঠান ৷ মাল্যাৰ্পণ কৰিব ৰত্নপীঠ মণ্ডলৰ সাধাৰণ সম্পাদক অভিজিৎ দাসে আৰু বন্তি প্ৰজ্বলন কৰিব আমছুৰ মুখ্য সাংগঠনিক সম্পাদক গুলজাৰ হুছেইন, অভ্যৰ্থনা সমিতিৰ সহকাৰী সম্পাদিকা শকুন্তলা চৌধুৰী, প্ৰদেশ কংগ্ৰেছৰ সম্পাদক জ্যোতিৰ্ময় বৈশ্য, চিৰাং জিলা ইউ পি পি এল যুৱ মৰ্চাৰ সভাপতি হায়ান নাৰ্জাৰীয়ে ৷ ইয়াৰ পিছত মূল তোৰণ উদ্বোধন কৰিব বিশিষ্ট সমাজকৰ্মী ডাঃ ইতেশ বৰদলৈয়ে আৰু প্ৰেক্ষাগৃহ মুকলি কৰিব কমল গয়াৰীয়ে ৷ পুৱা ১১ বজাত প্ৰদৰ্শনীৰ দ্বাৰ মুকলি কৰিব জিলাৰসআৰক্ষী অধীক্ষক স্বপ্ননীল ডেকাই ৷ দিনৰ ১২ বজাত অনুষ্ঠিত হ'ব কবিতা আবৃত্তি আৰু মুকাভিনয় প্ৰতিযোগিতা ৷ আবেলি ১ বজাত অনুষ্ঠিত হ'ব প্ৰতিনিধি সভা ৷ প্ৰতিনিধি সভা উদ্বোধন কৰিব বিজনীৰ বিধায়ক অজয় কুমাৰ ৰায়ে ৷ আনহাতে সন্ধিয়া বন্তি প্ৰজ্বলন কৰিব ইউ পি পি এলৰ কাতিৰাম বড়ো আৰু চিৰাং জিলাৰ আৰক্ষী অধীক্ষক প্ৰাণজিৎ  বৰাই ৷ ইয়াৰ পিছতে প্ৰথম নিশাৰ নাট্যমঞ্চ  উদ্বোধন কৰিব চিৰাং জিলা আয়ুক্ত অজয় কুমাৰ ৰেড্ডীয়ে ৷ সন্ধিয়া ৫.৩০ ত 'ৰঞ্জিতা ৰায় সোঁৱৰণী' নাট্য সন্ধিয়া উদ্বোধন কৰিব বিধায়ক ফণীভূষণ চৌধুৰীয়ে ৷ 

ইপিনে  ২৪ ডিচেম্বৰ দ্বিতীয় দিনা পুৱা ১০.৩০ বজাৰ পৰা একক অভিনয় প্রতিযোগিতা, আবেলি ১ বজাত স্মৃতিগ্রন্থ উন্মোচন আৰু ১.৩০ বজাৰ পৰা অনুষ্ঠিত হ’ব মুকলি সভা। কনক কৃষ্ণ দেবনাথৰ সভাপতিত্বত অনুষ্ঠিতব্য মুকলি সভাত মুখ্য অতিথি হিচাপে অংশগ্রহণ কৰিব অসম নাট্য সন্মিলনৰ সভাপতি কুমাৰ দীপক দাস, উপ সভাপতি হৰেকৃষ্ণ দাস, কোষাধ্যক্ষ জয়ন্ত হাজৰিকা, সহকাৰী সম্পাদক হিমানী শর্মা, কেন্দ্রীয় সদস্যদ্বয় ক্রমে দীপক শর্মা আৰু বিশ্বজিৎ কলিতা। নিৰ্দিষ্ট বক্তা হিচাপে উপস্থিত থাকিব অসম নাট্য সম্মিলন কার্যকৰী সভাপতি মাণিক গোস্বামী আৰু প্ৰধান সম্পাদক গিবিধৰ ৰয় ৷ আমন্ত্ৰিত অতিথি হিচাপে উপস্থিত থাকিব নাট্যকাৰ তথা পৰিচালক মুকুল ঈদিপাছ, নাট্যকাৰ তথা পৰিচালক লিয়াকত আলী , স্বর্ণপীঠ মণ্ডলৰ সভাপতি হিৰণ্য হাজৰিকা, সাধাৰণ সম্পাদক যোগানন্দ গগৈ, সৌমাৰপীঠ মণ্ডল সভাপতি টুটু বৰুৱা,ভাৰপ্ৰাপ্ত সাধাৰণ সম্পাদক জীতেন সেনাপতি, কামপীঠ মণ্ডল সভাপতি অৰূপ বৰঠাকুৰ আৰু ভাৰপ্ৰাপ্ত সাধাৰণ সম্পাদক কিচিন দাস ৷ সভাত অভিনেতা তথা পৰিচালক নীৰেন চন্দ্র দাস, অভিনেত্ৰী শ্রীমতী ৰায় আৰু বগী ৰায়ক সম্বৰ্ধনা জনোৱা হ'ব ৷ সন্ধিয়া ৫ বজাত বন্তি প্ৰজ্বলন কৰিব জিলা আয়ুক্ত নৱদিবীপ পাঠকে আৰু ৫ঃ৩০ বজাত দ্বিতীয় নিশাৰ লক্ষীকান্ত সোঁৱৰণী নাট্যসন্ধিয়া উদ্বোধন কৰি বঙাইগাঁও জিলা বিজেপিৰ সভাপতি  উজ্জল কান্তি ৰয়ে ৷ ইপিনে এই অধিৱেশনক সন্গৰ্ভত বৃহস্পতিবাৰে বৃহত্তৰ বঙাইগাঁও প্ৰেছ ক্লাবত এক সংবাদ মেলৰো আয়োজন কৰা হয়। অনুষ্ঠানটি সাফল্যমণ্ডিত কৰি তোলাৰ বাবে উক্ত সংবাদমেল যোগে বঙাইগাঁৱবাসীৰ সহায়-সহযোগিতা বিচাৰে উদ্যোক্তা আৰু অভ্যৰ্থনা সমিতিয়ে । সংবাদ মেলত উল্লেখ কৰা মতে পূর্ণাংগ নাট প্রতিযোগিতাত অসম নাট্য সম্মিলনৰ ৰত্নপীঠ মণ্ডলৰ অধীনত ১২ খন জিলা সমিতিয়ে অংশগ্রহণ কৰিব আৰু অনুষ্ঠানত নখন নাট প্রদর্শিত হ'ব। এই সংবাদমেলত য়ুথ কলাক্ষেত্ৰৰ সভাপতি হেমন্ত কোচ, সম্পাদিকা মার্জিয়ানা খাতুন, কোষাধ্যক্ষ নমিতা বসুমতাৰী, অভ্যর্থনা সমিতিৰ সভাপতি ৰমলা ৰায় সৰকাৰ, অন্যতম কার্যকর্তা নীৰেন চন্দ্ৰ দাস, ব্রজেন ৰায়, আলমনি খাৰম আৰু অসীম কুমাৰ নাথ উপস্থিত থাকে ৷