🔯বঙাইগাঁৱত ৰাজ্যিক ঘাইপথতো চলাব নোৱাৰিব ই-ৰিক্সা🔯

🔯বঙাইগাঁৱত ৰাজ্যিক ঘাইপথতো চলাব নোৱাৰিব ই-ৰিক্সা🔯 

📝#News4Bongaigain: ২৫ ডিচেম্বৰ: বঙাইগাঁও জিলাৰ জিলা দণ্ডাধীশে ২২ ডিচেম্বৰত ৰাষ্ট্ৰীয় ঘাইপথত ই-ৰিক্সা চলোৱাটো বন্ধ ৰাখিবলৈ সংশ্লিষ্ট কৰ্তৃপক্ষক নিৰ্দেশ দিছিল যদিও নিৰ্দেশনাটোত শেহতীয়াভাৱে ৰাজ্যিক ঘাই পথটো ই-ৰিক্সা চলোৱাৰ ক্ষেত্ৰত বাধা আৰোপ কৰা হৈছে ৷ গ্ৰাম্য পথতহে ই-ৰিক্সা চলোৱাৰ বাবে অনুজ্ঞাপত্ৰ দিয়া হয়। ৰাষ্ট্ৰীয় ঘাইপথত লঘু, মধ্যমীয়া আৰু গধুৰ যান-বাহনসমূহ নিৰ্দিষ্ট গতিবেগত চলাই গন্তব্য স্থানলৈ যাবলৈ অনুমতি থাকে। বঙাইগাঁও জিলাত চাপাগুৰিৰ পৰা বঙাইগাঁও চহৰৰ মাজেৰে  উত্তৰ শালমাৰা হৈ অভয়াপুৰীলৈ যোৱা ৰাজ্যিক ঘাইপথতো ই-ৰিক্সা চলাই যানজট সৃষ্টি কৰাৰ লগতে দুৰ্ঘটনা সংঘটিত কৰাৰ সম্ভাৱনা থাকে। সেয়েহে পূৰ্বৰ নিৰ্দেশনাৰ লগতে সংযোগ কৰি ৰাষ্ট্ৰীয় ঘাইপথৰ লগতে উক্ত ৰাজ্যিক ঘাইপথতো ই-ৰিক্সাৰ চলাচল নিষেধ কৰি সংশোধিত নিৰ্দেশনা জাৰি কৰিছে বঙাইগাঁও জিলাৰ জিলা দণ্ডাধীশ নৱদ্বীপ পাঠকে। গতিকে গ্ৰাম্য পথৰ পৰা ৰাষ্ট্ৰীয় ঘাইপথ আৰু ৰাজ্যিক ঘাইপথ সংযোগ স্থললৈকেহে ই-ৰিক্সাসমূহ চলাব পাৰিব। এই  নিৰ্দেশনা উলংঘা কৰিলে যান-বাহন আইন অনুসৰি বিহিত ব্যৱস্থা গ্ৰহণ কৰা হ'ব বুলি নিৰ্দেশনাটোত কোৱা হৈছে।আৰু যদিহে এই নিয়ম উলংঘা কৰি ই-ৰিক্সা চলাই পথত দুৰ্ঘটনা সংঘটিত কৰে বা দুৰ্ঘটনাত কাৰোবাৰ মৃত্যু হয় তেতিয়া ই-ৰিক্সাৰ মালিকক জবাবদিহি কৰি স্থানীয় আৰক্ষী থানাত কেচ পঞ্জীয়ন কৰা হ'ব বুলিও জিলা দণ্ডাধীশৰ নিৰ্দেশনাটোত কোৱা হৈছে।