🔯নিউ বঙাইগাঁৱত নামনিমুৱা ওখা এক্সপ্ৰেছৰ পৰা গাঞ্জাসহ দুজনক আটক🔯

🔯নিউ বঙাইগাঁৱত নামনিমুৱা ওখা এক্সপ্ৰেছৰ পৰা গাঞ্জাসহ দুজনক আটক🔯 

📝News4Bongaigaon: ২৫ ডিচেম্বৰঃ বঙাইগাঁৱৰ নিউ বঙাইগাঁও ৰে'লৱে জংচনত সোমবাৰে চৰকাৰী ৰে'লৱে আৰক্ষীয়ে নামনিমুৱা গুৱাহাটী -ওখা এক্সপ্ৰেছ ৰে'লখনত অভিযান চলাই বৃহৎ পৰিমাণৰ অবৈধ গাঞ্জাসহ দুজন লোকক আটক কৰিবলৈ সক্ষম হয়। জানিব পৰা মতে গোপন খবৰৰ ভিত্তিত নিউ বঙাইগাঁও চৰকাৰী ৰে'লৱে আৰক্ষীয়ে ৰে'লখনৰ এছ- ৬ নম্বৰ ডবাত চলোৱা অভিযানত বেগৰ ভিতৰত কঢ়িওৱা অৱস্থাত ২৫ কিলোগ্ৰাম গাঞ্জা উদ্ধাৰ কৰাৰ লগতে দুজন ব্যক্তিক আটক কৰে ৷ আটকাধীন ব্যক্তি দুজন বিহাৰৰ ৰাহুল কুমাৰ ঝা আৰু সন্তোষ কুমাৰ সিং ৷ ইপিনে আটকাধীন এজন ব্যক্তিয়ে প্ৰকাশ কৰা মতে ধনৰ বিনিময়ত আগৰতলাৰ পৰা বিহাৰ লৈ বুলি গাঞ্জাখিনি কঢ়িয়াই লৈ গৈ আছিল ৷ উল্লেখ্য যে প্ৰথমে আগৰতলাৰ পৰা গুৱাহাটীলৈ আৰু গুৱাহাটীৰ পৰা বিহাৰলৈ বুলি লৈ গৈ আছিল গাঞ্জাখিনি ৷  কিন্তু চৰকাৰী ৰে'লৱে আৰক্ষীয়ে  গাঞ্জাসহ আটক কৰিবলৈ সক্ষম হয় দুই  সৰবৰাহকাৰীক ৷ জানিব পৰা মতে এজনে  নিজকে চি আৰ পি এফৰ জোৱান বুলি পৰিচয় দি গাঞ্জাখিনি সৰবৰাহ কৰিছিল ৷ ইতিমধ্যে সমগ্ৰ ঘটনাকলৈ তদন্ত আৰম্ভ কৰিছে নিউ বঙাইগাঁও চৰকাৰী ৰে'লৱে আৰক্ষীয়ে ৷