🔯বঙাইগাঁৱত ট্ৰেড ইউনিয়নৰ অন্যতম নেতা প্ৰয়াত ৰাখাল দাসগুপ্তৰ ৯১ সংখ্যক জন্মজয়ন্তী উপলক্ষে সপ্তাহযোৰা কাৰ্য্যসূচী🔯

🔯বঙাইগাঁৱত ট্ৰেড ইউনিয়নৰ অন্যতম নেতা প্ৰয়াত ৰাখাল দাসগুপ্তৰ ৯১ সংখ্যক জন্মজয়ন্তী উপলক্ষে সপ্তাহযোৰা কাৰ্য্যসূচী🔯

🔯বিনামূলীয়া স্বাস্থ্য পৰীক্ষা শিবিৰ - আলোচনা চক্ৰ সম্পন্ন🔯

📝News4Bongaigaon:২৫ ডিচেম্বৰ:  ট্ৰেড ইউনিয়নৰ অন্যতম নেতা প্ৰয়াত ৰাখাল দাসগুপ্তৰ ৯১ সংখ্যক জন্মজয়ন্তী সপ্তাহযোৰা কাৰ্য্যসূচীৰে বঙাইগাঁৱত উদযাপিত হৈ আছে ৷ উত্তৰ পূৱ সীমান্ত ৰে'লৱে মজদুৰ ইউনিয়নৰ বঙাইগাঁও শাখা আৰু ৰাখাল দাসগুপ্ত ফাউণ্ডেচনৰ যৌথ সহযোগত উদযাপিত হৈ থকা এই সপ্তাহযোৰা কাৰ্য্যসূচীৰ সোমবাৰে দ্বিতীয় দিনাৰ প্ৰথম কাৰ্য্যসূচী হিচাপে বিনামূলীয়া স্বাস্থ্য পৰীক্ষা শিৱিৰ সফলতাৰে সম্পন্ন হয় ৷ আয়োজক সমিতিৰ ফালৰ পৰা ডঃ পি কে ধৰ আৰু আশীষ বিশ্বাসে জনায় যে এই শিবিৰত মুঠ ২১৬ গৰাকী ব্যক্তিয়ে  স্বাস্থ্য পৰীক্ষা কৰোৱায় ৷ স্বাগত হস্পিতাল এণ্ড ৰিচাৰ্চ চেণ্টাৰৰ সহযোগত হোৱা এই শিবিৰত পাঁচজন অভিজ্ঞ চিকিৎসকৰ দ্বাৰা কেঞ্চাৰ, কাণ-নাক-জিভা,  দাঁত আদিকে ধৰি বিভিন্ন বেমাৰৰ পৰীক্ষা কৰা হয় ৷ ইয়াত বিনামূলীয়াকৈ ৰক্তচাপ , বহুমুত্ৰ, ই চি জি আদিও কৰা হয় ৷ ইয়াৰ পিছত সন্ধিয়া কেঞ্চাৰ আৰু জেৰিয়েটিক (বৃদ্ধ লোকৰ) যত্ন সম্পৰ্কত এক সজাগতা সভা তথা আলোচনাচক্ৰ অনুষ্ঠিত হয় ৷ 

এই সভাত ডাঃ শংকৰ দাস, ডাঃ ভূপেন বৈশ্য, ডাঃশুভ্ৰদ্বীপ বিশ্বাস, অধিবক্তা হৰেশ্বৰ দাস, বিশিষ্ট শিক্ষাবিদ ডঃ পি কে ধৰ, মীনা শৰ্মা, শ্ৰমিক নেতা আশীষ বিশ্বাসে অংশগ্ৰহণ কৰে ৷ সপ্তাহযোৰা জন্মজয়ন্তীৰ তৃতীয় দিনৰ কাৰ্য্যসূচীত ২৬ ডিচেম্বৰৰ পুৱা বৃক্ষৰোপণ আৰু ইয়াৰ পিছতে অহা ২৯ ডিচেম্বৰত ৰাইজৰ দ্বাৰা দান কৰা ন-পুৰণী বস্ত্ৰ দুখীয়া লোকসকলৰ মাজত বিতৰণ কৰা হ'ব ৷ ৩০ ডিচেম্বৰত ৰাখাল দাসগুপ্তৰ জন্মদিনৰ দিনা পুৱা পতাকা উত্তোলন, শ্বহীদ তৰ্পণ আদিৰে কাৰ্য্যসূচী আৰম্ভ কৰা হ'ব ৷ সন্ধিয়া এক বিশাল গণসভাৰে সাতদিনীয়া কাৰ্য্যসূচীৰ সামৰণি মৰা হ'ব বুলি আশীষ বিশ্বাস আৰু ডঃপি কে ধৰে জনায় ৷ উল্লেখ্য যে দেওবাৰে অনুষ্ঠিত হৈ যায় চিত্ৰাংকন প্ৰতিযোগিতা ৷