🔯বঙাইগাঁও জিলাত দ্বিতীয় পৰ্যায়ত হস্ততাঁত বস্ত্ৰ ক্ৰয়🔯

🔯বঙাইগাঁও জিলাত দ্বিতীয় পৰ্যায়ত হস্ততাঁত বস্ত্ৰ ক্ৰয়🔯 

📝News4Bongaigaon: ৫ ডিচেম্বৰ: ৰাজ্য চৰকাৰৰ "স্বনিৰ্ভৰ নাৰী"আঁচনিৰ অধীনত বঙাইগাঁও জিলাত ২০২২-২৩ বৰ্ষৰ জুলাই মাহৰ পৰা চেপ্তেম্বৰ মাহলৈ ১০ হেজাৰ ৮৫ গৰাকী শিপিনীৰ নাম পঞ্জীয়ন সম্পন্ন কৰা হৈছিল ৷ সেই অনুসৰি নাম পঞ্জীয়ন কৰা শিপিনীসকলৰ পৰা ২০২৩ বৰ্ষৰ ১৩ জানুৱাৰীৰ পৰা মাৰ্চ মাহলৈ প্ৰথম পৰ্যায়ত  হস্ততাঁত আৰু বস্ত্ৰশিল্প বিভাগৰ বঙাইগাঁও জিলাৰ অভয়াপুৰীত থকা অধীক্ষকৰ কাৰ্যালয় আৰু সৃজনগ্ৰাম উন্নয়ন খণ্ড বিষয়াৰ কাৰ্যালয়স্থিত দুটা ক্ৰয় কেন্দ্ৰত সাত হেজাৰ চৌষত্তৰ(৭৬৭৪)খন বিভিন্ন হস্ততাঁত বস্ত্ৰ যেনে গামোচা, আৰনই, পাজাৰ আদি ক্ৰয় কৰা হয়। দ্বিতীয় পৰ্যায়ত দুই হেজাৰ এশ সাতসত্তৰ গৰাকী শিপিনীৰ নাম পঞ্জীয়ন সম্পন্ন কৰা হৈছে আৰু দ্বিতীয় পৰ্যায়ত উক্ত অধীক্ষকৰ কাৰ্যালয়ৰ অধীনত ১ডিচেম্বৰৰ পৰা ভিন্ন মানৰ ১৬ বিধ হস্ততাঁত বস্ত্ৰ ক্ৰয় কেন্দ্ৰত ক্ৰয় কৰাৰ অভিযান আৰম্ভ কৰা হৈছে। মঙলবাৰ পৰ্যন্ত উক্ত ক্ৰয় কেন্দ্ৰযোগে তেৰশ দহ (১৩১০) খন গামোচা ক্ৰয় কৰা হৈছে। হস্ততাঁত আৰু বস্ত্ৰশিল্প বিভাগৰ অধীনত নাম পঞ্জীয়ন কৰি ইচ্ছুক শিপিনীয়ে হস্ততাঁত বস্ত্ৰ ক্ৰয় কেন্দ্ৰযোগে বিক্ৰী কৰিব পাৰিব।