🔯বঙাইগাঁৱত উপ-ৰাষ্ট্ৰীয় পলিঅ' প্ৰদান দিৱস সম্পৰ্কত সভা🔯

🔯বঙাইগাঁৱত উপ-ৰাষ্ট্ৰীয় পলিঅ' প্ৰদান দিৱস সম্পৰ্কত সভা🔯 

📝News4Bongaigaon:  ৫ ডিচেম্বৰ: বঙাইগাঁও জিলাত উপ-ৰাষ্ট্ৰীয় পলিঅ' প্ৰদান দিৱস , ডিচেম্বৰ ৰাউণ্ডৰ প্ৰস্তুতি সন্দৰ্ভত মঙলবাৰে জিলা আয়ুক্ত কাৰ্যালয়ৰ সভাকক্ষত জিলা উন্নয়ন আয়ুক্ত তথা ভাৰপ্ৰাপ্ত জিলা আয়ুক্ত ধ্ৰুৱজ্যোতি দাসৰ সভাপতিত্বত এখন সভা অনুষ্ঠিত হয়। সভাত বঙাইগাঁও সদৰ মহকুমাৰ মহকুমাধিপতি তথা বঙাইগাঁও পৌৰসভাৰ ভাৰপ্ৰাপ্ত কাৰ্য্যবাহী বিষয়া মোস্তাফা চেলিম আহমেদ, যুটীয়া স্বাস্থ্য সেৱা সঞ্চালক ডা:পৰেশ কলিতা, বিশ্ব স্বাস্থ্য সংস্থাৰ জ্যেষ্ঠ বিষয়া ডা:হীৰেন গগৈ, জিলা টীকাকৰণ বিষয়া আৰু জিলাখনৰ আন আন স্বাস্থ্য বিভাগৰ বিষয়াৰ লগতে বিভিন্ন বিভাগৰ বিষয়াৰ উপস্থিতিত অহা ১০ ডিচেম্বৰৰ পৰা ১২ডিচেম্বৰ পৰ্যন্ত অনুষ্ঠিত হ'বলগীয়া টীকাকৰণ  কাৰ্যসূচী সম্পৰ্কত আলোচনা কৰা হয়। জিলা টীকাকৰণ বিষয়া ডা:পুস্পেন্দু দাসে এই টীকাকৰণ কাৰ্যসূচীৰ তৃণমূল পৰ্যায়ত যুগুতোৱা সূচীকে ধৰি জনসাধাৰণৰ মাজত পলিঅ' খোৰাক প্ৰদানৰ বাবে সজাগতা সৃষ্টি, সমাজ কল্যাণ বিভাগৰ সহযোগিতা, বিদ্যালয়সমূহৰ পৰিদৰ্শকৰ সহযোগিতা, এপিডি চি এলৰ সহযোগিতা আদিৰ সম্পৰ্কত সভাত আলোচনা কৰা হয়।