🔯উপ নিৰ্বাচনৰ বাবে বঙাইগাঁও জিলা প্ৰশাসনৰ তৎপৰতা🔯

🔯উপ নিৰ্বাচনৰ বাবে বঙাইগাঁও জিলা প্ৰশাসনৰ তৎপৰতা🔯 

পূৰ্বৰ ৩২ নং বঙাইগাঁও সমষ্টি মৰ্মে হ'ব উপ নিৰ্বাচন

খচৰা ভোটাৰ তালিকা প্ৰকাশঃ ১৮ বছৰ সম্পূৰ্ণ হোৱাসকলে নাম অন্তৰ্ভুক্তিৰ বাবে কৰিব পাৰিব আবেদন 

📝বঙাইগাঁওঃ ৩০ জুলাই : ভাৰতৰ নিৰ্বাচন আয়োগৰ নিৰ্দেশ মৰ্মে মঙলবাৰে বঙাইগাঁও সমষ্টিত আগন্তক উপ নিৰ্বাচনৰ প্ৰতি লক্ষ্য ৰাখি বঙাইগাঁও জিলা প্ৰশাসনে সমষ্টিৰ সংক্ষিপ্ত খচৰা ভোটাৰ তালিকা প্ৰকাশ কৰে ৷ বঙাইগাঁও জিলা আয়ুক্ত কাৰ্যালয়ৰ  সভাকক্ষত মঙলবাৰে জিলাখনৰ বিভিন্ন ৰাজনৈতিক দলৰ প্ৰতিনিধি আৰু সংবাদ মাধ্যমৰ লোকৰ উপস্থিতিত যুটীয়াভাৱে অনুষ্ঠিত হোৱা এক অনুষ্ঠানত জিলা নিৰ্বাচনী বিষয়া নৱনীতা হাজৰিকা আৰু জিলা উন্নয়ন আয়ুক্ত ধ্ৰুৱজ্যোতি দাসে সমষ্টিৰ খচৰা ভোটাৰ তালিকা প্ৰকাশ কৰে ৷ প্ৰকাশ কৰা খচৰা ভোটাৰ তালিকা অনুলৰি বঙাইগাঁও সমষ্টিত মুঠ ভোটাৰৰ সংখ্যা হ'ল ১,৮২৩৫৪ গৰাকী ৷ ইয়াৰে পুৰুষ ভোটাৰৰ সংখ্যা হৈছে ৮৯,৫১০ গৰাকী আৰু মহিলা ভোটাৰ হৈছে ৯৩,৮৪২ গৰাকী ৷ সমষ্টিটোত তৃতীয় লিংগৰ ভোটাৰ হৈছে ২ গৰাকী  ৷ ছাৰ্ভিচ ভোটাৰ ১১১৮গৰাকী ৷ একেদৰে সমষ্টিটোত মুঠ ভোট গ্রহণ কেন্দ্ৰ বঙাইগাঁও জিলাত ১৯১টা আৰু চিৰাং জিলাত ৫৫ টা কেন্দ্ৰলৈ পূৰ্বৰ ৩২ নং বঙাইগাঁও সমষ্টিৰ উপ নিৰ্বাচন অনুষ্ঠিত হ'ব বুলি জানিব দিয়ে ৷ সমষ্টিটোত মুঠ ২৪৬ গৰাকী বিএলঅ নিয়োগ কৰা হৈছে ৷ বঙাইগাও জিলাৰ জিলা নিৰ্বাচনী বিষয়া গৰাকীয়ে সংবাদ মাধ্যমৰ আগত প্ৰকাশ কৰা মতে আগন্তুক ২০ আগষ্টত পূৰ্ণাংগ তথা চূড়ান্ত ভোটাৰ তালিকা প্ৰকাশ পাব ৷ 

অনুষ্ঠানত বিষয়া দুগৰাকীয়ে যি সকলৰ চলিত বৰ্ষৰ পহিলা জুলাইত ১৮ বছৰ হৈছে তেওঁলোকৰ নাম সমূহ অহা ১০ আগষ্টৰ ভিতৰত ভোটাৰ তালিকাত অন্তৰ্ভূক্ত কৰিবলৈ আহবান জনোৱাৰ লগতে কিবা যদি ওজৰ, আপত্তি বা সংশোধনী থাকে তেন্তে ১০ আগষ্টৰ ভিতৰত আবেদন কৰিবলৈ অনুৰোধ জনায় ৷ অনুষ্ঠানত বিভিন্ন ৰাজনৈতিক দলৰ প্ৰতিনিধিক জিলা প্ৰশাসনৰ তৰফৰ পৰা ভোটাৰ তালিকাৰ সংশোধনী তালিকা প্ৰদান কৰে  ৷ সভাত জিলা তথ্য আৰু জনসংযোগ বিষয়া বিণুৰাণী ৰাজবংশীও উপস্থিত থাকে ৷🔯