🔯আন্তঃৰাষ্ট্ৰীয় কোচ ৰাজবংশী সন্থাৰ অভিযোগ🔯

🔯আন্তঃৰাষ্ট্ৰীয় কোচ ৰাজবংশী সন্থাৰ অভিযোগ🔯

🔯বিগত পঞ্চাছ বছৰে ৰাজ্য চৰকাৰ সমূহে কাৰ্যকৰি নকৰিলে কোচ-ৰাজবংশীকে ধৰি ৰাজ্যখনৰ সাতটাকৈ জনগোষ্ঠীক অতিৰিক্ত অন্যান্য পিছপৰা শ্ৰেণীৰ অন্তৰ্ভুক্ত কৰি কেবিনেটত লোৱা সিদ্ধান্ত🔯

News4Bongaigaon: ২৪ জুলাইঃঅসমৰ তদানীন্তন প্ৰাক্তন মুখ্যমন্ত্ৰী তথা কোচ-ৰাজবংশী জনগোষ্ঠীৰ পুৰাধা ব্যক্তি প্রয়াত শৰৎ চন্দ্ৰ সিংহৰ চৰকাৰে কোচ-ৰাজবংশীকে ধৰি ৰাজ্যখনৰ সাতটাকৈ জনগোষ্ঠীক অতিৰিক্ত অন্যান্য পিছপৰা শ্ৰেণীৰ অন্তৰ্ভুক্ত কৰি কেবিনেটত লোৱা সিদ্ধান্ত বিগত পঞ্চাছ বছৰে ৰাজ্য চৰকাৰ সমূহে কাৰ্যকৰি নকৰিলে বুলি অভিযোগ উত্থাপন কৰিছে আন্তঃৰাষ্ট্ৰীয় কোচ ৰাজবংশী সন্থা (ইকৰা) ই । বৰং ইয়াৰ বিপৰীতে ৰাজ্য চৰকাৰসমূহে কোচ ৰাজবংশীসকলক ৰাজনৈতিক স্বার্থৰ বাবে বহুধা বিভক্ত কৰি দূৰ্বল কৰাৰহে প্ৰয়াস কৰি আহিছে বুলিহে অভিযোগ কৰিছে ৷ এই সন্দৰ্ভত এক প্ৰেছ বিবৃতিত ইকৰাৰ সভাপতি ভদ্ৰেশ্বৰ বৰ্মনে কয় যে কোচ ৰাজবংশীসকল ৰাজ্যৰ বৃহত্তম জনগোষ্ঠী। কিন্তু স্বাধীনতাৰ পিছৰে পৰাই প্ৰতিখন চৰকাৰে কৰি অহা চৰম প্ৰতাৰণাৰ ফল ভোগ কৰি আহিছে জনগোষ্ঠীটোৱে। স্বাধীনতাৰ আগলৈকে নিজে শাসন কৰা তথা বিশাল সাম্রাজ্যৰ অধিকাৰী জনগোষ্ঠীটোক চৰকাৰে চলাই অহা ষড়যন্ত্ৰৰ বাবে শিক্ষা, স্বাস্থ্য তথা অর্থনৈতিকভাবে দুর্বল হৈ পৰিছে। জনগোষ্ঠীটোৱে নিজৰ প্ৰাপ্যৰ বাবে চলাই আহিবলগীয়া হৈছে সংগ্রাম। পৃথক কমতাপুৰ ৰাজ্য তথা জনগোষ্ঠীটোক জনজাতিকৰণ কৰাৰ বাবে নিৰন্তৰভাৱে আন্দোলন চলাই অহাৰ পিছতো ভ্রূক্ষেপ নাই কোনো চৰকাৰৰ। প্ৰতিখন চৰকাৰে বৃহত্তৰ জনগোষ্ঠীটোক ভোট বেংকৰ স্বার্থত আৰু ৰাজনৈতিক মুনাফা আদায়ৰ কু-অভিসন্ধিৰ বাবে জনগোষ্ঠীটোৱে প্ৰতিখন চৰকাৰৰ পৰাই নিজৰ প্ৰাপ্যৰ পৰাই বঞ্চিত হৈ আহিছে। জনগোষ্ঠীটোৰ শৈক্ষিক তথা অর্থনৈতিক দুৰৱস্থাৰ প্ৰতি লক্ষ্য ৰাখি জনগোষ্ঠীটোৰ বিকাশ আৰু কল্যাণৰ বাবে ১৯৭৫ চনতেই তেতিয়াৰ মুখ্যমন্ত্ৰী তথা কোচ-ৰাজবংশীৰ পুৰাধা ব্যক্তি প্রয়াত শৰৎ চন্দ্ৰ সিংহৰ চৰকাৰে কোচ-ৰাজবংশীকে ধৰি ৰাজ্যখনৰ সাতটাকৈ জনগোষ্ঠীক অতিৰিক্ত অন্যান্য পিছপৰা শ্ৰেণীৰ অন্তৰ্ভুক্ত কৰি কেবিনেটত সিদ্ধান্ত লয়। সেই সমতে অবিভক্ত গোৱালপাৰা জিলা আৰু গাৰো পাহাৰৰ কোচ-ৰাজবংশী, মৰাণ, মটক, চাহ জনগোষ্ঠী, বর্হিভূত চাহ শ্রমিক, মৰিয়া, চুতীয়া আৰু চাউদাং জনগোষ্ঠীক চিঠি নং TAD/ BC/ 268/ 75/37 Dated 27/11/1975 যোগে কেবিনেটৰ অধিসূচনা মতে অতিৰিক্ত অন্যান্য পিছপৰা শ্ৰেণীত অন্তর্ভুক্ত কৰি শৈক্ষিক সা-সুবিধা দিয়াৰ বাবে পোষকতা কৰে। কিন্তু ৰাজ্য চৰকাৰসমূহে ইয়াৰ বিপৰীতে তদানীন্তন মুখ্যমন্ত্রী প্রয়াত শৰৎ চন্দ্ৰ সিংহৰ ফলপ্ৰসু সিদ্ধান্ত কাৰ্য্যকৰী কৰাৰ সলনি কোচ ৰাজবংশীসকলক ৰাজনৈতিক স্বার্থৰ বাবে বহুধা বিভক্ত কৰি দুৰ্বল কৰাৰহে প্ৰয়াস কৰা দেখা যায়। বিগত পঞ্চাছ বছৰে ৰাজ্যচৰকাৰ সমূহে উক্ত নির্দেশনাটো কাৰ্যকৰি নকৰিলে। ফলত আজিও উক্ত জনগোষ্ঠীসমূহে নিজৰ প্ৰাপ্যৰ বাবে নিৰন্তৰভাৱে আন্দোলন চলাই থাকিবলগীয়া হৈছে। ইয়াৰ বাবে প্ৰতিখন চৰকাৰেই জগৰীয়া বুলি প্রশ্ন উত্থাপন কৰিছে আন্তঃৰাষ্ট্ৰীয় কোচ-ৰাজবংশী সন্থাৰ সভাপতি ভদ্রেশ্বৰ বর্মনে। ভদ্রেশ্বৰ বর্মনে কয় যে, আগন্তুক দিনত কোচ-ৰাজবংশীকে ধৰি আন-আন জনগোষ্ঠীসমূহে ইয়াৰ প্ৰত্যুত্তৰ ৰাজনৈতিক দলসমূহক দিব।