🔯বঙাইগাঁও জিলা আদালত আৰু উত্তৰ শালমাৰা মহকুমা আদালত চৌহদক 'ন' ফ্লাই জ'ন' ঘোষণা

🔯বঙাইগাঁও জিলা আদালত আৰু উত্তৰ শালমাৰা মহকুমা  আদালত চৌহদক 'ন' ফ্লাই জ'ন' ঘোষণা 

বঙাইগাঁওঃ ১জুন: বঙাইগাঁও জিলাৰ জিলা দণ্ডাধীশ নৱদ্বীপ পাঠকে এক নিৰ্দেশনাযোগে বঙাইগাঁও জিলা আৰু চেছন ন্যায়াধীশৰ আদালত চৌহদ আৰু উত্তৰ শালমাৰা মহকুমা ন্যায়াধীশৰ আদালত চৌহদক ' ন' ফ্লাই জ'ন' হিচাপে ঘোষণা কৰিছে। এই নিৰ্দেশনা অনুসৰি বঙাইগাঁও জিলা আৰু চেছন ন্যায়াধীশৰ আদালত আৰু উত্তৰ শালমাৰা মহকুমা ন্যায়াধীশৰ আদালত চৌহদত কোনো ড্ৰোণ, বেলুন আদি উৰাব নোৱাৰিব। এই নিষেধাজ্ঞা উলংঘা কৰিলে ভাৰতীয় দণ্ডবিধিৰ ১৮৮ ধাৰা আৰু সংশ্লিষ্ট আইনৰ অধীনত  শাস্তিমূলক ব্যৱস্থা গ্ৰহণ কৰা হ'ব বুলিও জিলা দণ্ডাধীশৰ নিৰ্দেশনাটোত উল্লেখ কৰা হৈছে। এই নিৰ্দেশনা তৎকালীনভাৱে বলবৎ হ'ব আৰু পৰৱৰ্তী নিৰ্দেশনা নিদিয়া পৰ্যন্ত বাহাল থাকিব। উল্লেখ্য যে গুৱাহাটী উচ্চ ন্যায়ালয় আৰু বঙাইগাঁও জিলা আৰু চেছন ন্যায়াধীশৰ আদালতৰ সভাত সিদ্ধান্ত লোৱা হয় যে নিৰাপত্তাৰ দিশলৈ চাই জিলা আৰু চেছন ন্যায়াধীশৰ আদালত চৌহদক 'ন' ফ্লাই জ'ন ' হিচাপে ঘোষণা কৰিব লাগে আৰু সেই কথা পত্ৰমৰ্মে জিলা দণ্ডাধীশক জনোৱাৰ পিছতে জিলা দণ্ডাধীশে এই নিৰ্দেশনা জাৰি কৰে ৷