🔯নিউ বঙাইগাঁও ৰে'লৱে জংচনত দুখনকৈ নামনিমুৱা ৰে'লৰ পৰা জব্দ ২৮০ বস্তা বাৰ্মিজ চুপাৰি🔯

🔯নিউ বঙাইগাঁও ৰে'লৱে জংচনত দুখনকৈ নামনিমুৱা ৰে'লৰ পৰা জব্দ ২৮০ বস্তা বাৰ্মিজ চুপাৰি🔯

📝১ আগষ্টঃ বাৰ্মিজ চুপাৰি সৰবৰাহ কৰাৰ বাবে বৰ্তমান ভাৰতীয় ৰে'ল হৈ পৰিছে চুপাৰি চিণ্ডিকেটকাৰীৰ বাবে সহজ মাধ্যম। যাৰ ফলত নিতৌ ৰে'লযোগে বহিঃ ৰাজ্যলৈ সৰবৰাহ হৈছে বাৰ্মিজ চুপাৰি ৷ এইদৰে সৰবৰাহ কৰা অবৈধ বাৰ্মিজ চুপাৰি কেতিয়াবা কেতিয়াবা চৰকাৰী ৰে'ল আৰক্ষীয়ে জব্দ কৰিবলৈ সক্ষম হৈছে যদিও জব্দ কৰিবলৈ সক্ষম হোৱা চুপাৰিৰ গৰাকীক আটক কৰিবলৈ সক্ষম হোৱাৰ নজিৰ নাই ৷ শেহতীয়াভাৱে বৃহস্পতিবাৰে বঙাইগাঁও চহৰৰ নিউ বঙাইগাঁও ৰে'লৱে জংচনত চৰকাৰী ৰে'ল আৰক্ষীয়ে দুখনকৈ নামনিমুৱা ৰে'লৰ পৰা ২৮০ বস্তা অবৈধ বাৰ্মিজ চুপাৰি জব্দ কৰে ৷ ডিমাপুৰৰ পৰা পশ্চিম বংগৰ হাওড়া লৈ ৰে'লযোগে কোনো চক্ৰই সৰবৰাহ কৰাৰ সময়তে নিউ বঙাইগাঁও চৰকাৰী ৰে'ল আৰক্ষীৰ অভিযানত এই বাৰ্মিজ চুপাৰিখিনি জব্দ হয় ৷

নিউ বঙাইগাঁও চৰকাৰী ৰে'ল আৰক্ষীয়ে গোপন সূত্ৰৰ তথ্যৰ ভিত্তিত নামনিমুৱা বিবেক এক্সপ্ৰেছৰ পৰা ৪০ বস্তা আৰু নামনিমুৱা কামৰূপ এক্সপ্ৰেছৰ পৰা প্ৰায় ২৪০ বস্তাসহ মুঠ ২৮০ বস্তা সন্দেহজনক বাৰ্মিজ চুপাৰি জব্দ কৰিবলৈ সক্ষম হয় । জব্দকৃত চুপাৰিখিনিৰ আনুমানিক বজাৰ মূল্য প্ৰায় ৫৫ লক্ষাধিক টকা হ'ব বুলি জানিব পৰা গৈছে। উল্লেখ্য যে কাৰ আশীৰ্বাদত ৰে'লৰ ডবাৰ ভিতৰত এইদৰে নিতৌ মুকুলি ভাবে বাৰ্মিজ চুপাৰি সৰবৰাহ হৈ আছে সেয়া অসম আৰক্ষী তথা চৰকাৰে গুৰুত্বসহকাৰে তদন্ত কৰিলে সকলো পোহৰলৈ আহিব ৷ কাৰণ ৰে'ল আৰক্ষীয়ে তথ্য লাভ কৰাখিনিহে জব্দ কৰিবলৈ সক্ষম হৈছে ৷ ইয়াৰ বিপৰীতে গোপনে আৰু দৈনিক চিণ্ডিকেট চক্ৰই কিমান সৰবৰাহ কৰি আছে সেই তথ্য নিশ্চয় গোপনে আছে ৷🔯