🔯জিলা আয়ুক্তক বঙাইগাঁও জিলা যুৱ-ছাত্ৰ পৰিষদৰ স্মাৰক পত্ৰ🔯

🔯জিলা আয়ুক্তক বঙাইগাঁও জিলা যুৱ-ছাত্ৰ পৰিষদৰ স্মাৰক পত্ৰ🔯

জিলা তথা চহৰৰ দাঁতি কাষৰীয়া অঞ্চলৰ জ্বলন্ত সমস্যা সমাধানৰ দাবী

📝News4Bongaigaon: বঙাইগাঁওঃ ১৬ আগষ্ট : অসম জাতীয়তাবাদী যুৱ-ছাত্ৰ পৰিষদৰ বঙাইগাঁও জিলা সমিতিয়ে বঙাইগাঁও জিলাখনৰ বঙাইগাঁও চহৰকে ধৰি দাঁতি কাষৰীয়া অঞ্চলৰ কিছু জ্বলন্ত সমস্যা প্ৰশাসনৰ দৃষ্টিগোচৰ কৰি উক্ত সমস্যাসমূহ সমাধানৰ দাবীত বঙাইগাঁও জিলা আয়ুক্তক শুকুৰবাৰে এখন স্মাৰক পত্ৰ প্ৰদান কৰে ৷ অসম জাতীয়তাবাদী যুৱ-ছাত্ৰ পৰিষদ বঙাইগাঁও জিলা সমিতিৰ সভাপতি ছফিকুল আলম শ্বেইখ আৰু সাধাৰণ সম্পাদক ধৰ্ম কান্ত ৰায় স্বাক্ষৰিত স্মাৰক পত্রত বঙাইগাঁও জিলাৰ প্ৰাথমিক আৰু ক্ষুদ্ৰ প্ৰাথমিক স্বাস্থ্য কেন্দ্ৰত প্ৰয়োজনীয় চিকিৎসক আৰু স্বাস্থ্য কর্মী নিয়োগ কৰাৰ লগতে পর্যাপ্ত ঔষধ যোগানৰ ব্যৱস্থা গ্ৰহণ কৰা, বঙাইগাঁও জিলাৰ অধীনস্থ সৃজনগ্ৰামৰ মহাত্মা গান্ধী আদর্শ চিকিৎসালয়ত শিশু আৰু প্রসূতি বিভাগৰ চিকিৎসক নিয়োগ কৰাৰ লগতে চিকিৎসালয়ৰ চৌপাশে সৌৰশক্তি যুক্ত পোহৰৰ ব্যৱস্থা গ্ৰহণ কৰা, বঙাইগাঁও চহৰত নলা-নৰ্দমা সমূহ বিজ্ঞান সন্মত ভাৱে নিৰ্মাণ কৰাৰ লগতে সময় মতে পৰিষ্কাৰৰ ব্যৱস্থা গ্ৰহণ কৰা, বঙাইগাঁও চহৰখনৰ আৱৰ্জনা মুক্ত কৰাৰ লগতে পৰিষ্কাৰ পৰিছন্নতা বজাই ৰখাৰ ব্যৱস্থা গ্রহণ কৰা, বঙাইগাওঁ চহৰত ৰাজহুৱা প্ৰস্ৰাৱগাৰ আৰু শৌচাগাৰ নিৰ্মাণ কৰাৰ ব্যৱস্থা গ্ৰহণ কৰা, বঙাইগাঁও জিলাৰ পৌৰসভা আৰু গাঁও পঞ্চায়তৰ অন্তৰ্গত ওৱাৰ্ড বা গাঁও সমূহৰ ৰাস্তা-ঘাটবোৰ অতিশীঘ্ৰেই মেৰামতিৰ ব্যৱস্থা গ্ৰহণ কৰাৰ দাবী জনাইছে ৷ লগতে দুচকীয়া, তিনিচকীয়া আৰু চাৰিচকীয়া যান-বাহন সমূহ য'তে-ততে ৰখাৰ ফলত বঙাইগাঁও চহৰখনত সৃষ্টি হোৱা যান-জঁটৰ সমস্যা সমাধানৰ বাবে চহৰৰ নিৰ্দিষ্ট স্থানতহে ইয়াক ৰখোৱাৰ লগতে তিনিচকীয়া বাহনৰ ভাড়া নিয়ন্ত্ৰণৰ ব্যৱস্থা গ্ৰহণ কৰা, বঙাইগাঁও জিলাৰ উত্তৰ শালমাৰা তিনি আলি চ’কত স্থায়ী ট্ৰেফিক পুলিচ পইন্টৰ ব্যৱস্থা গ্ৰহণ কৰা, বঙাইগাঁও জিলাৰ অন্তৰ্গত পাহাৰৰ বননী সমূহ সংৰক্ষণৰ লগতে বৃক্ষৰোপণৰ৷ব্যৱস্থা গ্ৰহণ কৰা, বঙাইগাওঁ চহৰ তথা কাকৈজানা বনাঞ্চলৰ দাঁতি-কাষৰীয়া অঞ্চলত সৰ্প আৰু সর্প দংশনৰ বিষয়ক লৈ সজাগতা সভা আয়োজন কৰাৰ ব্যৱস্থা গ্ৰহণ কৰা, বঙাইগাঁও জিলাৰ অন্তৰ্গত উদ্যান আৰু পৰ্যটনস্থলীসমূহ সঠিক সংৰক্ষণৰ ব্যৱস্থা গ্ৰহণ কৰা, সোণালী বান্দৰৰ ৰম্যভূমি সমূহ সুৰক্ষিত কৰাৰ লগতে সেই অঞ্চলৰ উন্মুক্ত বিদ্যুৎ শক্তিৰ তাৰ সমূহ সলনি কৰি প্লাষ্টিক আৱৰণযুক্ত তাঁৰ অতিশীঘ্ৰেই দিয়াৰ ব্যৱস্থা গ্ৰহণ কৰা আৰু বঙাইগাঁও জিলাত বিভিন্ন পর্যায়ৰ উদ্যোগীকৰণৰ জৰিয়তে বঙাইগাঁও জিলাৰ থলুৱা নিবনুৱা যুৱক-যুৱতী সকলক সংস্থাপনৰ ব্যৱস্থা গ্ৰহণ কৰাৰ বাবে জিলা আয়ুক্তক সংগঠটোৰ জিলা সমিতিয়ে স্মাৰক পত্ৰযোগে দাবী জনায় ৷