🔯বঙাইগাঁৱত ঘৰে ঘৰে ত্ৰিৰংগা সজাগতামূলক মাৰাথন দৌৰ🔯

🔯বঙাইগাঁৱত ঘৰে ঘৰে ত্ৰিৰংগা সজাগতামূলক মাৰাথন দৌৰ🔯

📝বঙাইগাঁঃ ৯ আগষ্ট: বঙাইগাঁও জিলাত আগন্তুক ৭৮ সংখ্যক স্বাধীনতা দিৱস উপলক্ষে বঙাইগাঁও জিলা প্ৰশাসনৰ অধীনত ঘৰে ঘৰে ত্ৰিৰংগা শীৰ্ষক সজাগতাৰ বাবে বিভিন্ন কাৰ্যসূচী হাতত লোৱা হৈছে। সেই উপলক্ষে শুকুৰবাৰে বঙাইগাঁও জিলা প্ৰশাসন তথা বঙাইগাঁও জিলা ক্ৰীড়া বিভাগৰ যুটীয়া উদ্যোগত স্থানীয় চিলাৰায় ইন্দোৰ ষ্টেডিয়ামৰ পৰা এক সজাগতামূলক মাৰাথন দৌৰ প্ৰতিযোগিতাৰ আয়োজন কৰা হয়। এই মাৰাথন দৌৰ প্ৰতিযোগিতা পুৱা ৬ বজাত বৰপাৰাৰ চিলাৰায় ইন্দোৰ ষ্টেডিয়ামৰ পৰা আৰম্ভ হৈ বঙাইগাঁও জিলা পৰিবহন বিষয়া কাৰ্যালয় হৈ পুনৰ চিলাৰায় ইন্দোৰ ষ্টেডিয়ামত অন্ত পৰে ৷ মাৰাথন দৌৰ প্ৰতিযোগিতা আনুষ্ঠানিকভাৱে পতাকা জোকাৰি শুভাৰম্ভ কৰে বঙাইগাঁও জিলা পৰিষদৰ মুখ্য কাৰ্যবাহী বিষয়া অনুপম ডেকাই। অনুষ্ঠানৰ আঁত ধৰে জিলা ক্ৰীড়া বিষয়া খনীন্দ্ৰ মুদৈয়ে। অনুষ্ঠানত অতিৰিক্ত জিলা আয়ুক্ত ডিম্পী গগৈ, বঙাইগাঁও পৌৰসভাৰ কাৰ্যবাহী বিষয়া প্ৰশান্তি ভট্টাচাৰ্যও উপস্থিত থাকে। মাৰাথন দৌৰ প্ৰতিযোগিতাত প্ৰায় ২০০ গৰাকী লোকে অংশগ্ৰহণ কৰে। মাৰাথন দৌৰ প্ৰতিযোগিতাত ১৪বছৰ উৰ্দ্ধ ল'ৰাৰ শাখাত সঞ্জয় দাসে প্ৰথম, ধনজিত ৰায়ে দ্বিতীয়, প্ৰণৱ কলিতাই তৃতীয় আৰু গনেশ বৰ্মনে চতুৰ্থ স্থান দখল কৰে। সেইদৰে ১৪ বছৰ অনুৰ্দ্ধ ল'ৰাৰ শাখাত হুছেইন আলীয়ে প্ৰথম, মহম্মদ সমীৰ শেইখে দ্বিতীয়, দেৱজিত ৰায়ে তৃতীয় আৰু যুৱৰাজ শইকীয়াই চতুৰ্থ স্থান দখল কৰে। আনহাতে কনিষ্ঠ শাখাত য়াৰিন হকে নিচুকনি বঁটা লাভ কৰে।

ইপিনে ছোৱালীৰ শাখাত জয়মতী সৰকাৰে প্ৰথম, মনিষা ৰায়ে দ্বিতীয় আৰু অনুৰূপা ব্ৰহ্মই তৃতীয় স্থান লাভ কৰে। আনহাতে মাষ্টাৰ খেলুৱৈ পুৰুষৰ শাখাত মনিকান্ত ৰায়ে প্ৰথম, পৱিত্ৰ চৌধুৰীয়ে দ্বিতীয় আৰু অচিত বৰন চৌধুৰীয়ে তৃতীয় স্থান লাভ কৰে। সেইদৰে মাষ্টাৰ খেলুৱৈ মহিলাৰ শাখাত ৰীনা শইকীয়াই প্ৰথম, বাহাতী পাঠকে দ্বিতীয় আৰু উৰ্মিলা পাটোৱাৰীয়ে তৃতীয় স্থান লাভ কৰিবলৈ সক্ষম হয় ৷ মাৰাথন দৌৰ প্ৰতিযোগিতাৰ শেষত বিজয়ীসকলক ট্ৰফীসমূহ প্ৰদান কৰা হয়।🔯