🔯১৯৪২ চনৰ ন আগষ্টৰ ভাৰত ত্যাগ আন্দোলনৰ সোঁৱৰণত বঙাইগাঁৱতো বিক্ষোভ কাৰ্যসূচী ৰূপায়ণঃ আৰক্ষীৰ বাধা প্ৰদান🔯

🔯১৯৪২ চনৰ ন আগষ্টৰ ভাৰত ত্যাগ  আন্দোলনৰ সোঁৱৰণত বঙাইগাঁৱতো বিক্ষোভ কাৰ্যসূচী ৰূপায়ণঃ আৰক্ষীৰ বাধা প্ৰদান🔯 

📝বঙাইগাঁওঃ ৯ আগষ্টঃ ১৯৪২ চনৰ ন আগষ্টৰ ভাৰত ত্যাগ  আন্দোলনৰ সোঁৱৰণত শুকুৰবাৰে দেশৰ সম্পদ ৰক্ষা কৰা, দেশৰ সংবিধান ৰক্ষা কৰা, কৃষক বিৰোধী কৃষি আইন বাতিল কৰা আৰু শ্ৰমিক বিৰোধী শ্ৰম কোড বাতিল কৰাৰ দাবীত  কেন্দ্ৰীয় ট্ৰেড ইউনিয়ন, কৰ্মচাৰী ফেডাৰেচন আৰু সংযুক্ত কিষাণ মৰ্চাই আহ্বান জনোৱা দেশজোৰা বিক্ষোভ কাৰ্যসূচীৰ অংশ হিচাপে বঙাইগাঁৱতো বিক্ষোভ কাৰ্যসূচী ৰূপায়িত হয় ৷ কেন্দ্ৰীয় ট্ৰেড ইউনিয়ন, কৰ্মচাৰী ফেডাৰেচন আৰু সংযুক্ত কিষাণ মৰ্চাৰ বঙাইগাঁও জিলা সমিতিৰ উদ্যোগত বঙাইগাঁও চহৰৰ পাগলাস্থানত ৰূপায়ণ কৰা এই বিক্ষোভ কাৰ্যসূচীত অংশগ্ৰহণ কৰাসকলে দেশৰ সম্পদ ৰক্ষা কৰক, কৃষক বিৰোধী কৃষি আইন বাতিল কৰক, শ্ৰমিক বিৰোধী শ্ৰম কোড বাতিল কৰক, দেশৰ সংবিধান ৰক্ষা কৰক, কৰ্পৰেটৰ ওচৰত দেশৰ সম্পদ বিক্ৰী কৰা বন্ধ কৰক, কৰ্পৰেটৰ দাদাল নৰেন্দ্ৰ মোদী চৰকাৰ হায় হায়, জীয়াই থকাৰ সংগ্ৰামত সকলো ৰাইজ এক হওক, নিজৰ পাপ্য আদায়ৰ বাবে সকলো ৰাইজ এক হওক, হিমন্ত বিশ্ব শৰ্মা চৰকাৰ হায় হায়, বিজেপি চৰকাৰ হায় হায়, দমন নীতিৰে গণতান্ত্ৰিক আন্দোলন দমন কৰিব বিচৰা হিমন্ত বিশ্ব শৰ্মা চৰকাৰ হায় হায়, পুলিচ লগাই গণতান্ত্ৰিক আন্দোলন দমন কৰিব বিচৰা চৰকাৰ হায় হায় আদি ধ্বনি দি বিক্ষোভকাৰীসকলে উত্তাল প্ৰতিবাদ সাব্যস্ত কৰে ৷

উল্লেখ্য যে বিক্ষোভকাৰীসকলে প্ৰথমে চহৰখনত এক প্ৰতিবাদী সমদল উলিয়াব বিচাৰিছিল আৰু তাৰ বাবে আগতিয়াকৈ প্ৰশাসনৰ পৰা অনুমতি বিচাৰি আবেদন কৰিছিল ৷ কিন্তু অনুমতি প্ৰদান নকৰি বিক্ষোভ কাৰ্যসূচী ৰূপায়ণত আৰক্ষীয়ে বাধা প্ৰদান কৰে ৷ কাৰ্যসূচীৰ আৰম্ভণিৰ পৰাই উক্ত স্থানত মোতায়েন কৰা হয় আৰক্ষীৰ দল ৷ প্ৰতিবাদী সমদল উলিয়াবলৈ নিদিয়াত শেষত বিক্ষোভকাৰীসকলে পাগলাস্থানতে এঘণ্টীয়া অৱস্থান কাৰ্যসূচী গ্ৰহণেৰে বিক্ষোভ কাৰ্যসূচী ৰূপায়ণ কৰে ৷ বিক্ষোভ কাৰ্যসূচীত অসম ৰাজ্যিক কৃষক সভাৰ ৰাজ্যিক সম্পাদক গজেন বৰ্মন, চিআইটিইউৰ বঙাইগাঁও জিলা সমিতিৰ সম্পাদক হেমকান্ত ৰায়, হিন্দ মজদুৰ সভাৰ দ্বীপ বৰা, নিখিল ভাৰত গণতান্ত্ৰিক মহিলা সমিতিৰ নেত্ৰী বিজয়া ৰায়ৰ লগতে আন কেইবাগৰাকীও নেতা উপস্থিত আছিল ৷🔯