🔯বঙাইগাঁৱত বিদ্যুৎ বিভাগৰ অস্থায়ী কৰ্মচাৰীৰ অৱস্থান ধৰ্ণা কাৰ্যসূচী ৰূপায়ণ🔯

🔯বঙাইগাঁৱত বিদ্যুৎ বিভাগৰ অস্থায়ী কৰ্মচাৰীৰ অৱস্থান ধৰ্ণা কাৰ্যসূচী ৰূপায়ণ🔯

📝বঙাইগাঁওঃ ৮ আগষ্ট : বঙাইগাঁও চহৰৰ দোলাইগাঁৱস্থিত অসম শক্তি বিতৰণ কোম্পানীৰ মহা প্ৰবন্ধকৰ কাৰ্যালয় চৌহদত বৃহস্পতিবাৰে আসাম ষ্টেট আউটচৰ্চ পাৱাৰ ৱাকাৰ্চ ইউনিয়নৰ বঙাইগাঁও চক্ৰ সমিতিৰ উদ্যোগত বিদ্যুৎ বিভাগৰ অস্থায়ী কৰ্মচাৰী সকলৰ চাকৰি নিয়মীয়াকৰণৰ দাবীত সংগঠনটোৱে দুঘন্টীয়া ধৰ্ণা কাৰ্যসূচী ৰূপায়ণ কৰে। ধৰ্ণা কাৰ্যসূচীত অংশগ্ৰহণ কৰাসকল হাতে হাতে বিভিন্ন প্লেকাৰ্ডলৈ অস্থায়ী কৰ্মচাৰীৰ চাকৰি নিয়মীয়াকৰণ কৰক , আমাৰ দাবী মানিবই লাগিব, বিদ্যুৎ বিভাগ হায় হায়, শক্তিমন্ত্ৰী পুতলা, উই ৱান ডাষ্টিচ আদি শ্লোগান দি পৰিবেশ উত্তাল কৰি তোলে ৷ 

প্ৰতিবাদকাৰী সকলে সংবাদ মাধ্যমৰ আগত কয় যে শক্তি খণ্ডৰ অস্থায়ী বিদ্যুৎ কর্মচাৰী সকলৰ যৌথ মঞ্চ আসাম ষ্টেট আউটচৰ্চ পাৱাৰ ৱাকাৰ্চ ইউনিয়নে অসমৰ শক্তি খণ্ডৰ অস্থায়ী বিদ্যুৎ কর্মীৰ চাকৰি নিয়মীয়াকৰণকে আদি কৰি ১১দফীয়া দাবীলৈ ৰাজ্যৰ মুখ্যমন্ত্রী , শক্তি মন্ত্রীৰ লগতে শক্তি বিভাগৰ অধ্যক্ষক বহু আবেদন নিবেদন কৰি অহাৰ পিছতো গুৰুত্ব প্ৰদান কৰা নাই ৷ শক্তি খণ্ডৰ অস্থায়ী কৰ্মচাৰীৰ চাকৰি নিয়মীয়াকৰণৰ বিষয়ত কোনো ধৰণৰ গুৰুত্বপূৰ্ণ ভূমিকা গ্ৰহণ নকৰি অস্থায়ী বিদ্যুৎ কর্মীক এলাগী কৰি নতুন নিযুক্তি পৰীক্ষা অনুষ্ঠিত কৰিব বিচৰাৰ ফলত সমগ্ৰ শক্তি খণ্ডৰ তিনিওটা কোম্পানীৰ অস্থায়ী কর্মচাৰীসকল শংকিত হৈ পৰিছে ৷ একেদৰে অস্থায়ী কৰ্মচাৰীৰ চল্লিশ শতাংশক 'ফিক্সেচন'ৰ পৰা বঞ্চিত কৰি আজি প্রায় ছয়-সাত মাহ পর্যন্ত বিভিন্ন অজুহাতত অস্থায়ী বিদ্যুৎ কর্মচাৰী সকলক মানসিকভাৱে চিন্তিত কৰি তুলিছে ৷ গতিকে চৰকাৰে অতি শীঘ্ৰে এই সন্দৰ্ভত কাৰ্যকৰী ব্যৱস্থা হাতত নল’লে আগন্তুক দিনত তীব্ৰ আন্দোলন গঢ়ি তুলিব বুলি সংগঠনটোৰ নেতৃত্বই হুংকাৰ দিয়ে ৷🔯