🔯বঙাইগাঁও জিলা আয়ুক্তৰ কাৰ্যালয়ত আয়ুষ্মান ভাৰত হেল্থ একাউণ্ট পঞ্জীয়নৰ বাবে অস্থায়ী শিবিৰ মুকলি🔯

🔯বঙাইগাঁও জিলা আয়ুক্তৰ কাৰ্যালয়ত আয়ুষ্মান ভাৰত হেল্থ একাউণ্ট পঞ্জীয়নৰ বাবে অস্থায়ী শিবিৰ মুকলি🔯

বঙাইগাঁওঃ ৫ আগষ্টঃ আয়ুষ্মান ভাৰত ডিজিটেল মিছনৰ অধীনত জনসাধাৰণৰ বাবে আয়ুষ্মান ভাৰত হেল্থ একাউণ্ট সৃষ্টি কৰাৰ উদ্দেশ্যে বঙাইগাঁও জিলাৰ আয়ুক্তৰ কাৰ্যালয়ত এটা অস্থায়ী শিবিৰ মুকলি কৰা হয়। অতিৰিক্ত আয়ুক্ত ডিম্পী গগৈয়ে এই শিবিৰটো মুকলি কৰে। লগতে তেঁও নিজে এই আয়ুষ্মান ভাৰত হেল্থ একাউণ্টৰ বাবে পঞ্জীয়ন কৰে।

এই অস্থায়ী শিবিৰ মুকুলি অনুষ্ঠানত বঙাইগাঁও জিলাৰ যুটীয়া স্বাস্থ্য সেৱা সঞ্চালক বলেন্দ্ৰ নাৰায়ণ ডেকাই আয়ুষ্মান ভাৰত হেল্থ একাউণ্ট সম্পৰ্কে অৱগত কৰায় আৰু এই সুবিধসমূহ গ্ৰহণ কৰিবলৈ ৰাইজক আহ্বান জনায়। 

উল্লেখ্য যে কেৱল মাত্ৰ আধাৰ নম্বৰ আৰু মোবাইল নম্বৰৰ দ্বাৰা সম্পুৰ্ণ বিনামূলীয়াকৈ এই আয়ুষ্মান ভাৰত হেল্থ একাউণ্ট নম্বৰ পঞ্জীয়ন কৰা হয়। ইয়াৰ জৰিয়তে যিকোনো ব্যক্তিৰ সকলো স্বাস্থ্য সম্পৰ্কীয় তথ্য আৰু নথি ডিজিটেল মাধ্যমেৰে সংলগ্ন হৈ থাকে। এই নম্বৰ থাকিলে চিকিৎ‍সালয়লৈ যাওতে চিকিৎসা সম্পৰ্কীয় নথিসমূহ কঢ়িয়াই নিয়াৰ সমস্যাৰ পৰা মুক্ত হৈ থাকিব পাৰি।

এই অস্থায়ী শিবিৰ সোমবাৰ ৫ আগষ্টৰ পৰা  ১০ আগষ্টলৈকে বঙাইগাঁও জিলা আয়ুক্তৰ কাৰ্যালয় চৌহদত ৰইজৰ বাবে মুকলি থাকিব। শিবিৰ মুকলি অনুষ্ঠানত ডিএমই , ডিডিএম, এডিডিএম আৰু জিলা আয়ুক্ত কাৰ্যালয় কৰ্মচাৰী ,স্বাস্থ্য বিভাগৰ লগত জড়িত বিশিষ্ট ব্যক্তি আৰু অন্যান্য লোক উপস্থিত আছিল ৷