🔯মুখ্যমন্ত্ৰীৰে আক্ৰাছু নেতৃত্বৰ আলোচনাঃ জনগোষ্ঠীটোৰ বিভিন্ন সমস্যাকলৈ এঘাৰ দফীয়া দাবী সম্বলিত স্মাৰক পত্ৰ প্ৰদান🔯

🔯মুখ্যমন্ত্ৰীৰে আক্ৰাছু নেতৃত্বৰ আলোচনাঃ জনগোষ্ঠীটোৰ বিভিন্ন সমস্যাকলৈ এঘাৰ দফীয়া দাবী সম্বলিত স্মাৰক পত্ৰ প্ৰদান🔯

📝বঙাইগাঁওঃ ৬ আগষ্টঃ ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ আমন্ত্ৰণক্ৰমে সদৌ কোচ ৰাজবংশী ছাত্ৰ সন্থাৰ কেন্দ্রীয় সভাপতি অৰবিন্দ দাসৰ লগতে যুটীয়া সম্পাদক প্রাঞ্জল দত্ত আৰু ভবেন ৰাজবংশীসহ এটা প্রতিনিধি দলে চাৰি আগষ্ট দেওবাৰে গুৱাহাটী দিছপুৰস্থিত সচিবালয়ত মুখ্যমন্ত্ৰীৰ কাৰ্যালয়ত তেওঁৰ সৈতে এক আলোচনাত মিলিত হয় ৷ আলোচনাত আক্ৰাছুৰ কেন্দ্ৰীয় সভাপতি অৰবিন্দ দাসে কোচ ৰাজবংশী জনগোষ্ঠীৰ জনজাতিকৰণ, ৰূপসী বিমানবন্দৰৰ নাম সলনি কৰাৰ কেবিনেট সিদ্ধান্ত প্ৰত্যাহাৰ কৰি ৰূপসী বিমানবন্দৰ নামটো বাহাল ৰখা আৰু পৃথক কামতাপুৰ ৰাজ্যৰ সমস্যাৰ অতি শীঘ্ৰে সমাধানৰ বাবে কেন্দ্ৰীয় চৰকাৰৰ লগত ত্ৰিপাক্ষিক বৈঠক অনুষ্ঠিত কৰাৰ বাবে মুখ্যমন্ত্ৰীক দাবী জনায় ৷ লগতে কেএলঅৰ লগত চৰকাৰৰ শান্তি চুক্তি অতি সোনকালে কৰাৰ লগতে কোচ ৰাজবংশী জনগোষ্ঠীৰ বিভিন্ন সমস্যাকলৈ ১১ দফীয়া দাবী সম্মলিত এখন স্মাৰক পত্ৰ মুখ্যমন্ত্ৰীৰ হাতত অর্পণ কৰে। উক্ত আলোচনাত মুখ্যমন্ত্রীয়ে কোচ ৰাজবংশী জনগোষ্ঠীৰ সমস্যা সমূহ অতি সোনকালে সমাধানৰ আশ্বাস প্রদান কৰে বুলি সদৌ কোচ ৰাজবংশী ছাত্ৰ সন্থাৰ কেন্দ্রীয় সভাপতি অৰবিন্দ দাসে এক প্ৰেছ বিজ্ঞপ্তি জৰিয়তে জানিবলৈ দিছে ৷🔯