🔯প্রাক্তন বিধায়ক ফণীভূষণ চৌধুৰীৰ দক্ষতাহীনতাৰ বাবেই বিশুদ্ধ খোৱাপানীৰ পৰা বঞ্চিত বঙাইগাঁও চহৰবাসী-- ইকৰাৰ সভাপতি ভদ্রেশ্বৰ বর্মন 🔯

🔯প্রাক্তন বিধায়ক ফণীভূষণ চৌধুৰীৰ দক্ষতাহীনতাৰ বাবেই বিশুদ্ধ খোৱাপানীৰ পৰা বঞ্চিত বঙাইগাঁও চহৰবাসী-- ইকৰাৰ সভাপতি ভদ্রেশ্বৰ বর্মন 🔯

২০০২-০৩ বিত্তীয় বৰ্ষতে ৰাজ্য চৰকাৰে আৱন্টন দিছিল ৩১.৭৫ কোটি টকা

N4B:বঙাইগাঁওঃ ১১ ছেপ্টেম্বৰঃ বঙাইগাঁও চহৰৰ উন্নয়নৰ বাবে অহৰহ ঘৰিয়ালৰ চকুপানী টুকি অহা বঙাইগাঁও সমষ্টিৰ প্ৰাক্তন বিধায়ক তথা বৰ্তমানৰ সাংসদ ফণীভূষণ চৌধুৰীৰ কেতবোৰ দ্বায়িত্বহীনতা আৰু অকৰ্মতাই সকলোৰে চকু কপালত তুলিছে বুলি মন্তব্য কৰিছে আন্তঃৰাষ্ট্ৰীয় কোচ-ৰাজবংশী সংস্থাৰ  (ইকৰা) সভাপতি ভদ্রেশ্বৰ বর্মনে ৷ সংবাদ মাধ্যমলৈ প্রেৰিত এক প্রেছ বিবৃতিত ইকৰাৰ সভাপতি ভদ্রেশ্বৰ বর্মনে কয় যে প্রাক্তন বিধায়ক ফণীভূষণ চৌধুৰীৰ দক্ষতাহীনতাৰ বাবেই ৰাজ্য চৰকাৰে বিশুদ্ধ খোৱাপানী যোগানৰ বাবে পর্যাপ্ত পুঁজি আবন্টন দিয়াৰ পিছতো চহৰবাসীয়ে বিশুদ্ধ খোৱাপানীৰ পৰাও বঞ্চিত হোৱাৰ তথ্য পৰিলক্ষিত হৈছে। প্রাক্তন বিধায়ক চৌধুৰীৰ তথাকথিত বঙাইগাঁও প্ৰীতিৰ মহিমা দাঙি ধৰি কয় যে ২০০২ চনতে ৰাজ্য চৰকাৰে বঙাইগাঁও সমষ্টিৰ বঙাইগাঁও পৌৰসভাৰ এলেকাধীন জনসাধাৰণৰ বিশুদ্ধ খোৱাপানীৰ যোগানৰ বাবে অসম নগৰ পানী যোগান আৰু পয় প্ৰণালী পৰিশোধৰ অধীনত ২০০২-০৩ বিত্তীয় বৰ্ষতে ৰাজ্য চৰকাৰে ৩১.৭৫ কোটি টকা আৱন্টন দিছিল ৷ ইয়াৰে ১৪.৪৬ কোটি টকা মুকলি কৰি দিয়ে যদিও প্রাক্তন বিধায়ক চৌধুৰীয়ে আঁচনি ৰূপায়ণৰ ক্ষেত্ৰত দেখুওৱা হেমাহি তথা অকৰ্মন্যতাৰ বাবে পাইও হেৰুৱাবলগীয়া হৈছে বঙাইগাঁওবাসীয়ে। পৌৰসভাৰ এলেকাৰ বাসিন্দাই বিশুদ্ধ খোৱাপানীৰ বাবে হাহাকাৰ কৰিবলগীয়া পৰিস্থিতিৰ সৃষ্টি হৈছে। ইয়াৰ পিছতো প্রাক্তন বিধায়ক ফণীভূষণ চৌধুৰীয়ে বঙাইগাঁও উন্নয়নৰ ত্ৰাণকর্তা বুলি জহিৰ কৰি ফুৰিছে। প্ৰাক্তন বিধায়ক ফণীভূষণ চৌধুৰীয়ে ভোটাৰ ৰাইজে দেখুওৱা সদিচ্ছাক সামান্য প্রাধান্য নিদিয়াত এতিয়া পৌৰসভা এলেকাৰ বাসিন্দা ক্ষোভিত হৈ পৰিছে বুলিও উল্লেখ কৰে ৷