🔯বঙাইগাঁৱৰ জ্ঞানোদয় জাতীয় বিদ্যালয়ত এশ শতাংশ উত্তীৰ্ণ🔯

🔯বঙাইগাঁৱৰ জ্ঞানোদয় জাতীয় বিদ্যালয়ত এশ শতাংশ উত্তীৰ্ণ🔯

📝বঙাইগাঁওঃ ৯ জুনঃ অত্যন্ত সাধাৰণ শৈক্ষিক আৰু আৰ্থিকভাৱে পিছপৰা অভিভাৱকৰ সন্তানৰ মুখ উজলাবলৈ সক্ষম হৈছে বঙাইগাঁও চহৰৰ উত্তৰ বঙাইগাঁৱস্থিত জ্ঞানোদয় জাতীয় বিদ্যালয়ৰ শিক্ষক- শিক্ষয়িত্ৰীসকলে ৷ উল্লেখ্য যে ইংৰাজী মাধ্যমৰ আঢ্যবন্ত পৰিয়ালৰ সন্তানৰ পৰিৱৰ্তে বিদ্যালয়খনত সাধাৰণ নাগৰিকৰ সন্তানেহে সাধাৰণতে  নাম ভৰ্তি কৰে ৷ এনে শিক্ষাৰ্থীসকলৰ পৰিয়ালবৰ্গ শৈক্ষিক, আৰ্থিক তথা সকলো পিনে পিছপৰা ৷ কিন্তু অসমীয়া মাধ্যমৰ বিদ্যালয়খনৰ শিক্ষক - শিক্ষয়িত্ৰীসকলে নানা বাধা নেওচি এই  শিক্ষাৰ্থীসকৰ মুখ উজলাব সক্ষম হৈছে ৷ বিগত ২০০৭ চনৰ পৰা দুই - এক বছৰৰ বাহিৰে প্ৰতিবছৰে বিদ্যালয়খনৰ পৰা ১০০ শতাংশ শিক্ষাৰ্থী উত্তীৰ্ণ হৈ আহিছে ৷ এইবাৰো তাৰ ব্যতিক্ৰম নহয় ৷ বিদ্যালয়খনৰ পৰা এইবাৰ হাইস্কুল শিক্ষান্ত পৰীক্ষাত মুঠ ৩৫ গৰাকী শিক্ষাৰ্থী অৱতীৰ্ণ হৈছিল ৷ সদ্য ঘোষিত হাইস্কুল শিক্ষান্ত পৰীক্ষাৰ ফলাফল অনুসৰি  বিদ্যালয়খনৰ পৰা অৱৰ্তীৰ্ণ হোৱা ৩৫ গৰাকী ছাত্ৰ- ছাত্ৰীয়ে প্ৰৱেশিকা পৰীক্ষাত উত্তীৰ্ণ হৈছে ৷ ইয়াৰে ভিতৰত ৬ গৰাকীয়ে ডিষ্টিংচন নম্বৰ অৰ্জন কৰাৰ বিপৰীতে ৫ গৰাকীয়ে ষ্টাৰ নম্বৰসহ ২২ গৰাকীয়ে প্ৰথম বিভাগ, ১০ গৰাকীয়ে দ্বিতীয় বিভাগ আৰু ৩ গৰাকীয়ে তৃতীয় বিভাগত উত্তীৰ্ণ হৈছে ৷ ইপিনে উত্তীৰ্ণ ছাত্ৰ-ছাত্ৰী সকলৰ ভিতৰত ইংৰাজী বিষয়ত ৮ গৰাকীয়ে, অসমীয়াত ৭ গৰাকীয়ে, সাধাৰণ গণিতত ৮ গৰাকীয়ে, সাধাৰণ বিজ্ঞানত ৮ গৰাকীয়ে , সমাজ বিজ্ঞানত ১৩ গৰাকীয়ে,  মাতৃভাষা হিন্দী (বাধ্যতামূলক) ত ১৫ গৰাকীয়ে আৰু উচ্চ গণিতত লেটাৰ নম্বৰ অৰ্জন কৰিছে ৷ বিদ্যালয়খনৰ পৰা এইবেলি হিমাশ্ৰী চৌধুৰীয়ে (সৰ্বমুঠ নম্বৰ-৫৪৯) শতকৰা ৯১.৫০ নম্বৰ ( ছটা বিষয়ত লেটাৰ নম্বৰ) অৰ্জনেৰে বিদ্যালয়ৰ ভিতৰত সৰ্বোচ্চ নম্বৰ অৰ্জন কৰিবলৈ সক্ষম হৈছে ৷ সেইদৰে সংঘমিত্ৰা ৰায়ে ৮৯ শতাংশ ( ছটা লেটাৰ) , আফচানা আহমেদ ৯০.৮৩ শতাংশ ( ছটা লেটাৰ) , জেনিফা ৰহমান ৮৮.৫০ শতাংশ (ছটা লেটাৰ) , আৰিফা  আহমেদ ৮৫.৫০ শতাংশ (পাঁচটা  লেটাৰ) , প্ৰবিশা বৰুৱা ৮৭ শতাংশ ( ছটা লেটাৰ) নম্বৰ লাভ কৰি উত্তীৰ্ণ হৈছে ৷ লগতে ভালে কেইগৰাকী ছাত্ৰ - ছাত্ৰীয়ে গণিত, ঐচ্চিক গণিত আদি বিষয়ত ১০০ ৰ ভিতৰত ১০০ নম্বৰ লাভ কৰিছে🔯