🔯বিজনীত উপস্থিত কেন্দ্ৰীয় পেট্ৰলিয়াম আৰু প্ৰাকৃতিক গেছ বিভাগৰ ৰাজ্যিক মন্ত্ৰী ৰামেশ্বৰ তেলী🔯

🔯বিজনীত উপস্থিত কেন্দ্ৰীয় পেট্ৰলিয়াম আৰু প্ৰাকৃতিক গেছ বিভাগৰ ৰাজ্যিক মন্ত্ৰী ৰামেশ্বৰ তেলী🔯

🔯নৰ্থ ইষ্ট মিলিটাৰী স্কুললৈ এন আৰ এলৰ ১ কোটি ৯০ লাখ টকা🔯 

📝বিজনী ৪ ছেপ্তেম্বৰঃ চিৰাং জিলাৰ বিজনী বিদ্যাপীঠ উচ্চতৰ মাধ্যমিক বিদ্যালয়ৰ সভাক্ষত দেওবাৰে এন আৰ এল আৰু নৰ্থ ইষ্ট মিলিটাৰী স্কুলৰ মাজত এক চুক্তি স্বাক্ষৰ সভা অনুষ্ঠিত হয় ।উক্ত  সভাত কেন্দ্ৰীয় পেট্ৰলিয়াম আৰু প্ৰাকৃতিক গেছ বিভাগৰ ৰাজ্যিক মন্ত্ৰী ৰামেশ্বৰ তেলী উপস্থিত থাকে ৷ সভাত মন্ত্ৰীগৰাকীৰ উপস্থিতিত বিজনীস্থিত নৰ্থ ইষ্ট মিলিটাৰী স্কুললৈ এন আৰ এলৰ তৰফৰ পৰা  স্কুলখনৰ আন্তঃ গাথনি উন্নয়নৰ বাবে ১ কোটি ৯০ লাখ টকা আগবঢ়োৱাৰ চুক্তি স্বাক্ষৰিত হয় ৷ এন আৰ এল আৰু নৰ্থ ইষ্ট মিলিটাৰী স্কুলৰ মাজত স্বাক্ষৰিত হয় এক চুক্তি। অসমৰ ভিতৰতে আগশাৰীৰ সৈনিক স্কুল হিচাপে পৰিগণিত কৰাৰ লক্ষ্যৰে এন আৰ এল ৰ তৰফৰ পৰা বিজনীৰ নৰ্থ ইষ্ট মিলিটাৰী স্কুলৰ অত্যাধুনিক ছাত্ৰাবাস নিৰ্মাণৰ বাবে আগবঢ়ায় এই বৃহৎ পৰিমাণৰ ধনৰাশি। কেন্দ্ৰীয় ৰাজ্যিক মন্ত্ৰী তেলীয়ে নৰ্থ ইষ্ট মিলিটাৰী স্কুলত হোষ্টেলৰ ভাল সুবিধা থাকিলে বাহিৰৰ ল'ৰা ছোৱালী আহিব ফলত স্কুলখন আগুৱাই যাব বুলি কয়।

চৰকাৰে প্ৰাথমিক বিদ্যালয় বন্ধ কৰা সন্দৰ্ভত তেওঁ কয় যে চৰকাৰে বহুত টকা খৰচ কৰাৰ পিছতো শিক্ষাৰ মানদণ্ড বহুত তলত ৷ সেয়ে চৰকাৰে এনেবোৰ বিদ্যালয় বন্ধ কৰাৰ বাবে বাধ্য হৈছে। ইংৰাজী মাধ্যম সম্পৰ্কত কয় যে এইটো আমাক লাগিব । অসম পাৰ হলেই ইংলিছ, হিন্দী দৰকাৰ হয় ,সেয়ে এই সিদ্ধান্ত লোৱা হৈছে। যিসকলে বিৰোধিতা কৰিছে তেওঁলোকে ভাল চিন্তা কৰক। আনহাতে যিসকলে বিৰোধিতা কৰিছে তেওঁলোকৰ সন্তানক ইংৰাজী মাধ্যমত পঢ়ুৱাই আছে। তেওঁলোকে নিজৰ আদৰ্শ দেখুৱাওক।বঙাইগাঁও শোধনাগাৰটো ২.৭ মিলিয়ন মেট্ৰিকটনৰ শোধনাগাৰ যদিও ইয়াক ৫ মিলিয়ন কৰাৰ লক্ষ্য হাতত লোৱা হৈছে আৰু ২৫ চনৰ ভিতৰতে এই সকলোবোৰ সিদ্ধান্ত লোৱাৰ বাবে দাবী জনোৱা হৈছে বুলি উল্লেখ কৰে। নুমলিগড় শোধনাগাৰ ৩ মিলিয়নৰ পৰা ৯ মিলিয়ন কৰা হৈছে। বাহিৰৰ পৰা তেল আনি হলেও শোধনাগাৰবোৰ বৰ্দ্ধিত কৰাৰ সিদ্ধান্ত লোৱা হৈছে। ২৩ চনত নুমলিগড়ত বাঁহৰ প্ৰকল্পটো সম্পূৰ্ণ হ'ব।খেতিয়ক সকল উপকৃত হ'ব।

সেইকাৰণে ফিনলেণ্ডৰ পৰা এটা টেকন'লজি অনা হৈছে।য'ত বাঁহৰ পৰা ইথানল প্ৰস্তুত কৰা হ'ব ৷ উল্লেখ্য যে বিজনী বিদ্যাপীঠ উচ্চতৰ মাধ্যমিক বিদ্যালয়ৰ সভাক্ষত অনুষ্ঠিত এই চুক্তি স্বাক্ষৰ সভাত কেন্দ্ৰীয় মন্ত্ৰী ৰামেশ্বৰ তেলীৰ উপৰিও বিজনীৰ বিধায়ক অজয় কুমাৰ ৰায়, বিটিআৰৰ উপাধ্যক্ষ অভিৰাম মহানায়ক, জিলা উপায়ুক্ত বিজয় ভাস্কৰ ৰেড্ডী, এন আৰ এল ৰ পৰিচালন সঞ্চালক ভাস্কৰ জ্যোতি ফুকন, মহাপ্ৰৱন্ধক প্ৰাঞ্জল শইকীয়া , বিজনীৰ  প্ৰাক্তন বিধায়ক কমল সিং নাৰ্জাৰী উপস্থিত থাকে।  প্ৰাক্তন বিধায়ক কমল সিং নাৰ্জাৰীয়ে সভাখনৰো সভাপতিত্ব কৰে ৷🔯