🔯নিখিল ভাৰত গণতান্ত্ৰিক মহিলা সমিতিৰ বঙাইগাঁও জিলা সমিতিৰ দশম সন্মিলন সম্পন্ন🔯

🔯নিখিল ভাৰত গণতান্ত্ৰিক মহিলা সমিতিৰ বঙাইগাঁও জিলা সমিতিৰ দশম সন্মিলন সম্পন্ন🔯  

🔯কেইবাটাও প্ৰস্তাৱ গ্ৰহণ🔯

📝বঙাইগাঁওঃ ৪ ছেপ্টেম্বৰঃ নিখিল ভাৰত গণতান্ত্ৰিক মহিলা সমিতিৰ বঙাইগাঁও জিলাৰ দশম সন্মিলনখন দেওবাৰে বঙাইগাঁও পেঞ্চনাৰ ভৱনত অনুষ্ঠিত হৈ যায়। পতাকা উত্তোলেনে সন্মিলনৰ কাৰ্যসূচীৰ শুভাৰম্ভ কৰে জিলা সভাপতি তৃষ্ণা মেধিয়ে আৰু শ্বহীদ বেদীত মাল্যাৰ্পণ কৰে ৰাজ্যিক উপ সভাপতি সীমা বিশ্বাসে। সন্মিলনৰ উদ্বোধনী ভাষণ আগবঢ়ায় সীমা বিশ্বাসে। সম্পাদকীয় খচৰা প্ৰতিবেদন উত্থাপন কৰে জিলা সম্পাদিকা ভদ্ৰাৱতী ৰায়ে। মুঠ ৮৫ গৰাকী নিৰ্বাচিত প্ৰতিনিধি উপস্থিত থকা সন্মিলনখনিত প্ৰতিবেদনৰ ওপৰত  ১০ গৰাকী প্ৰতিনিধিয়ে আলোচনা আগবঢ়ায় ৷

সন্মিলনে আগন্তুক কাৰ্যকালৰ বাবে তৃষ্ণা মেধিক সভাপতি আৰু কল্যাণী ৰায়ক সম্পাদক হিচাপে লৈ ২৩ জনীয়া শক্তিশালী জিলা সমিতি গঠন কৰে আৰু ৰাজ্যিক সন্মিলনলৈ প্ৰতিনিধিত্ব কৰিবলৈ ৬ গৰাকী প্ৰতিনিধিক নিৰ্বাচিত কৰে। সন্মিলনৰ সামৰণি ভাষণ আগবঢ়ায় ৰাজ্যিক সমিতিৰ সদস্যা কমৰেড বীণাপানি বড়াই৷ সন্মিলনত পেট্ৰল, ডিজেল, ৰন্ধন গেছকে ধৰি অত্যাৱশ্যকীয় সামগ্ৰীৰ মূল্যবৃদ্ধি ৰোধ কৰা, নাৰী নিৰ্যাতন বন্ধ কৰি নাৰীৰ সুৰক্ষা সুনিশ্চিত কৰা, বঙাইগাঁও জিলাখনৰ ৰাস্তা ঘাট মেৰামতি তথা মানিকপুৰ মহকুমাৰ আন্তঃগাঁথনি উন্নয়ন কৰা, ৰাজ্যৰ ৰাজহুৱা শিক্ষানুষ্ঠানসমূহ বেচৰকাৰীকৰণ আৰু একত্ৰিকৰণৰ বিৰোধিতা আৰু ৰাজহুৱা শিক্ষা ৰক্ষাৰ দাবীত প্ৰস্তাৱ গ্ৰহণ কৰে ৷🔯