🔯আজি বঙাইগাঁও জিলা অস্থায়ী স্বাস্থ্য কৰ্মচাৰী পৰিচালনা সমিতিৰ ধৰ্মঘট🔯

🔯আজি বঙাইগাঁও জিলা অস্থায়ী স্বাস্থ্য কৰ্মচাৰী পৰিচালনা সমিতিৰ ধৰ্মঘট🔯 

📝বঙাইগাঁওঃ ৪ ছেপ্টেম্বৰঃ অসমৰ বিভিন্ন চৰকাৰী চিকিৎসালয়ত অস্থায়ীভাৱে কাম কৰা কৰ্মচাৰী সকলে চিকিৎসালয় পৰিচালনা সমিতিৰ দ্বাৰা নিযুক্তি লাভ কৰি বছৰ বছৰ ধৰি অতি নগণ্য পাৰিতোষিক লৈ জনসাধাৰণৰ স্বাস্থ্য সেৱাৰ অৰ্থে কৰ্মৰত হৈ আছে। ৰাজ্যৰ প্রতিখন চিকিৎসালয়তে তেওঁলোকে অস্থায়ীভাবে মকৰল লৈ অতি জৰুৰীকালীন এম্বুলেন্স সেৱাৰ চালক, ৱাৰ্ড বয়, ড্ৰেছাৰ,ৰিছিপ্টশ্বনিষ্ট, নৈশ চকীদাৰ, চাফাইকর্মী আদি বিভিন্ন কামত নিয়োজিত হৈ আছে। কিন্ত তেওঁলোকে অতি ন্যূনতম পাৰিশ্ৰমিকেৰেই চিকিৎসালয়ৰ অন্যান্য স্বাস্থ্যকর্মীৰ সমানে সমানেই দিনে নিশাই নিজ নিজ কর্তব্যত কৰ্মৰত হৈ থাকিবলগীয়া হয়। যিকোনো পৰিস্থিতিৰ লগতে সমগ্র বিশ্বতে দেখা দিয়া ক'ৰোনা মহামাৰীৰ কালতো তেওঁলোকে নিম্ন সা-সুবিধাৰে নিজৰ জীৱনকো তুচ্ছ জ্ঞান কৰি ৰাইজৰ স্বাস্থ্য সেৱাত নিজকে নিয়োজিত কৰিছে। এই জটিল সময়ৰ লগতে এক অনাকাংশিত ভবিষ্যতৰ প্ৰতি লক্ষ্য ৰাখি সংশ্লিষ্ট চিকিৎসালয় পৰিচালনা সমিতিয়ে প্ৰদান কৰা অতি ন্যূনতম পাৰিশ্ৰমিক (১০০০ ৰ পৰা ৪০০০ টকা পর্যন্ত) লৈ তেওঁলোকৰ পৰিয়ালৰ ভৰণ-পোষণ দিয়াতো অসম্ভৱ হৈ পৰিছে। তথাপিও তেওঁলোকে সেৱাৰ মনোবৃত্তি লৈ কোনো দিনেই ৰাইজৰ সেৱাৰ ক্ষেত্ৰত অৱহেলা কৰা নাই। সদৌ অসম চৰকাৰী চিকিৎসালয় অস্থায়ী স্বাস্থ্য কৰ্মচাৰী সন্থাৰ বঙাইগাঁও জিলাৰ অন্তৰ্গত বিভিন্ন চৰকাৰী স্বাস্থ্য কেন্দ্ৰত অস্থায়ী ভাবে নিয়োজিত হৈ থকা কৰ্মচাৰী সকলে ৫ ছেপ্টেম্বৰত চৰকাৰী স্বাস্থ্য কেন্দ্ৰত উপস্থিত নাথাকি ধর্মঘট কায্যসূচী গ্ৰহণ কৰিব বুলি বঙাইগাঁও জিলা অস্থায়ী স্বাস্থ্য কৰ্মচাৰী পৰিচালনা সমিতিৰ সভাপতি দেৱজিৎ ৰায় আৰু সম্পাদক মুহিত ৰায়ে বঙাইগাঁও জিলাৰ যুটীয়া স্বাস্থ্য সেৱা সঞ্চালকলৈ প্ৰেৰণ কৰা পত্ৰত উল্লেখ কৰিছে ৷🔯